Valamuli 21:10 - Bhibhiliya Nya Guage

¹⁰ Khavbo avbo, tshangano wu di rumela likhumi na mavili magumi mazana (12.000) vama nya dzindrena, nya tshivba, va va leletela, khavo: “Indrani mu ya sasela khu matshari vatshavbo vavbanyi va Jabhesi-Gileyadhi, vanyamayi ni sanana.

Valamuli 21:10 Iomraidhean Croise

Mitengo 31:17

Khu guralo, songani madzaha yatshavbo, ni vanyamahegyane vatshavbo va tshanganidego ni mwama;

Dhewuteronome 13:15

vavbanyi va dhoropani momo, u nga va tsetseleli, va mbembise khu matshari havo bhi ni satshavbo si guromo umomo gumogo ni sirengo.

Josuwa 7:24

Khavbo avbo, Josuwa, na wonwa khu va na Israyeli vatshavbo, a di mola Akani, mwamana wa Zera gumogo ni parata ni gifenengelo, giwindri nya ndralama, sanana saye nya sikhwathana niso nya sagadzyana, dzimombe dzaye, dziburu dzaye, dzinvuta dzaye, tshatsha waye ni satshavbo si nga bani si mu lumba a si yisa kovani ga Akori.

Valamuli 21:5

Va na Israyeli va di wudzisa, khavo: “Khu mani wa vbakari nya mahundzu ya Israyeli a ngamba manega tshanganoni wa Pfhumu Nungungulu?” Kholu va di sambanyide vbakari nya tshangano, khavo: “Uye a na gumba gwela a ta Misipa tshanganoni wa Pfhumu Nungungulu, a na songwa.”

Valamuli 21:8

Khavbo avbo, va di wudzisa, khavo: “Khu levbini lihundzu vbakari ga na Israyeli li ngamba ya tshanganotunu wa Pfhumu Nungungulu dhoropani ga Misipa, na?”

Valamuli 21:9

Va di sayela vathu, gu wonega nya gu, ni moyo nya vavbanyi va Jabhesi-Gileyadhi a diri mwalo vbale.

Valamuli 5:23

Li na vadwe lidhoropa la Merozi, gu ganela Ngilozi ya Pfhumu Nungungulu valani ngudzu vavbanyi vaye, kholu, kha vata phasedzela Pfhumu Nungungulu, gu phasedzela Pfhumu Nungungulu gu dwana ni valala vaye nya tshivba.

1 Samuweli 11:7

A di dzega mipatwa mivili nya dzimombe, a dzi songa, a pilela nyama yakone khu sitsuwu, a si ningela mandzani nya myango, a rumela ga vatshavbo vavbanyi va tigoni ga Israyeli, a va embela, khuye: “Dzi na girwe kharati dzimombe dza wule a na gumba landrela Sawule ni Samuweli.” Khu guralo, vathu vatshavbo, va di thava Pfhumu Nungungulu, va duga na va hunganide khu monyo moyo.

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”