Valamuli 21:1 - Bhibhiliya Nya Guage

¹ Va na Israyeli na va ngari Misipa, va di sambanyide, khavo: “Mwalo ni moyo wa na gyathu a yelago gu lowodzisa gyanana gyaye ga va na Bhejami.”

Valamuli 21:1 Iomraidhean Croise

Muhevbudzi 5:2

U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 40:6

Jeremiya a di khuga a hongola Misipa, ndrangani ga Gedhaliya, mwamana wa Ayikamo, aya khala naye gumogo ni va na gyawe va nga bani va tshade tigoni gwawe.

Marko 6:23

A di sambanya gwaye, khuye: “Ni gevbi u na nyi lombago nyi na gu ninga, ambari nari gipandre nya mufumo wangu! Nyi na gu ninga.”

Mithumo 23:12

Na gugide, Vajudha va di tshangana va hunga gikungo, va sambanya khavo kha va na hodza, kha va na sela na va si gu songi Pawulo.

Varoma 10:2

Kholu nyi ngu dzi kodza gu va emela nyi fakaza gukheni avo va ngu dzi garadza ngudzu khu silo sa Nungungulu. Nombo basi khu gu va gu dzi garadzela wukhumuni,

Valamuli 20:1

Khavbo avbo, vatshavbo va na Israyeli va di duga va pwanana khu monyo moyo mbeli ga Pfhumu Nungungulu, gukhugela Dhani kala Bherisebha, gumogo ni litigo la Gileyadhi, dhoropani ga Misipa.

Valamuli 20:10

Hi na hatha ga dzinyumba dzatshavbo dza na Israyeli, likhumi vama, vbale gu gu lizana, avbo nya likhumi mazana hi na hatha lizana, avbo nya likhumi magumi mazana (10.000) hi hatha likhumi mazana (1.000), avo va na gu dongiselago guhodza nya masotshwa gasi avbo avo va na vbohago dhoropani ga Gibheya ga Bhejami, va kodza gu dwana va phodza manyala ma nga girwago vbakari ga va Israyeli.”

Valamuli 20:48

Va na Israyeli va di bwelela va yela va na Bhejami, vaya va sasela khu matshari, va songetela avo va nga bani va tshade dhoropani, va songa ni sifuyo ni satshavbo si nga bani si gu manega umomo, madhoropa yawe yatshavbo va di ma vbisa khu nilo.

Valamuli 20:8

Khavbo avbo, vathu vatshavbo va di khuga va ema khu lito limwedo, khavo: “Mwalo ni moyo nya ethu a na bwelelago aya tshatshani gwaye ambari gu hongola gaya gwaye.

Valamuli 21:18

Aholu ethu kha hi yeli gu lowodzisa sanana sathu avbo gwawe si khala vagadzi vawe, kholu va na Israyeli va sambanyide, khavo: A na vadwe wule a lowodzisago nyamahegyane waye ga va na Bhejami.”

Valamuli 21:22

Vababe mwendro vandriyawe va guta avbo gwathu va ta dilela, ethu hi na va embela khethu: Hi gireleni wuhindzi, mu hi ninga, kholu kha ha va dzega gikhatini nya nyimbi, enu nenu mu mwalo nandru, kholu kha mwa va lowodzisani ga va na Bhejami.”

Valamuli 21:5

Va na Israyeli va di wudzisa, khavo: “Khu mani wa vbakari nya mahundzu ya Israyeli a ngamba manega tshanganoni wa Pfhumu Nungungulu?” Kholu va di sambanyide vbakari nya tshangano, khavo: “Uye a na gumba gwela a ta Misipa tshanganoni wa Pfhumu Nungungulu, a na songwa.”

Valamuli 21:7

Olu hi na gira kharini khu madzaha ya na Bhejami ma vbulugidego, gasi ma kodze gu mana vagadzi, kholu ethu hi sambanyide ga Pfhumu Nungungulu khethu, kha hi na lowodzisa sanana sathu ga va na Bhejami?

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.