Valamuli 20:6 - Bhibhiliya Nya Guage

⁶ Khu guralo, nyi di dzega gibhayi gyangu, nyi gi vbadzulela khu sipandre nyi si rumela tigoni gwatshavbo nya thomba ya Israyeli, kholu esi va na Bhejami va si giridego, givalo ni manyala nya guvivbe ga va na Israyeli.

Valamuli 20:6 Iomraidhean Croise

Genesi 34:7

Avbo sanana nya sikhwathana sa Jakobe si nga wuyago khu panini, si di goroga ngudzu khu kotani nya iso si nga dugelelago. Likhulo lawe li diri likhongolo ngudzu kholu Sikemi a di giride silo nya guvivbe khu gu lala ni gyanana gya Jakobe esi si si yeligo gu girega.

Levhi 18:24

Mu nga dzi nyenyezisi khu gugira silo nya nga isoso, kholu khiso si nga nyenyezisa mayigo nyi na ma tutumisago mbeli gwanu.

Levhi 18:30

Khavbo avbo, sayisani milayo yangu, mu nga yedzedzelini tumbunugo nya mavbanyelo nya gunyenyeze, va vbanyidego khayo mu si gu vbohi enu. Mu nga dzi nyenyezisi khayo. Eni kheni Pfhumu Nungungulu wanu.”

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

Valamuli 19:22

Na vari vbakari nya gutsake, gu dita vama nya mighewu ya dhoropani mule, nya sanana sa Bheliyali, va ta randrela nyumba ya gikhosane gile, va veta lidimba, va embela gikhosane gile nya mune ndranga, khavo: “Nga dusa vbavbandze muthu yoyo a bedego nyumbani gwago, gasi hi ta hagana khuye.”

Valamuli 19:23

Mune ndranga a di duga a va embela, khuye: “Ahihi vandriyangu! Mu nga girini guvivba nya nga ugogo, kholu pfhumba yoyu khwa nyumbani gwangu, mu nga girini guvivba nya guralo.

Valamuli 19:29

Avbo a nga vbohago gaya gwaye, a di dzega ngala a vbadzulela givili gya gibhayi gyaye khu likhumi na sivili sipandre, a si rumela ga dzatshavbo dzinyumba dza na Israyeli.

Valamuli 20:10

Hi na hatha ga dzinyumba dzatshavbo dza na Israyeli, likhumi vama, vbale gu gu lizana, avbo nya likhumi mazana hi na hatha lizana, avbo nya likhumi magumi mazana (10.000) hi hatha likhumi mazana (1.000), avo va na gu dongiselago guhodza nya masotshwa gasi avbo avo va na vbohago dhoropani ga Gibheya ga Bhejami, va kodza gu dwana va phodza manyala ma nga girwago vbakari ga va Israyeli.”