37 Vale va nga bani va varamide, va di dzegela gu duga va bela dhoropani ga Gibheya khu giviti, va phalalega va songetela khu matshari vavbanyi vatshavbo va Gibheya.
Mwalo a na mu kuhago khu mandza, aholu a na ya khu gu pfarwa khu giwindri, mwendro gu hekhwa khu matshari. Gani girengo, gani muthu kha na vbanya. Na gu wombwa pundru khu gulaphisa vathu va na gwela gigomoni.”
Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.
Khu guralo, vathu va di fola khu Wuronga nya lidhoropa, gumogo ni avo va nga bani va sihade khu Pfoladambo gwa ilo; Josuwa a di gimbila wutshigu wowo vbakari nya kova.
Avbo mufumeli wa Ayi, a nga si wonago, a di khuga khu guvbiredza dhoropani, uye gumogo ni vathu vaye va di khuga ni mambagugya va ya tshangana ni va na Israyeli va dwanana navo, va di ya tombana ga wulanga nya kova, na va si dziti nya gukhavo vambe va sihade khu hwane nya lidhoropa.
Avbo a nga khusedza mandza yaye, avo va nga bani va varamide, va di khuga khu guvbiredza khu malangani yawe, va ta dhoropani va ta liphanga; va dzegela gu li vbisa khu nilo.