Valamuli 20:32 - Bhibhiliya Nya Guage

³² Avbo va na Bhejami va nga bani va ganela, khavo: “Hi va pade kha nga dzimbe dzinyondro.” Aholu va na Israyeli va di embeledzelana, khavo: “Hongoleni hi thave hi duga dhoropani hi va ndrindrela hwindzo, mu dzindzilani.”

Valamuli 20:32 Iomraidhean Croise

Josuwa 8:5

Eni gumogo ni vathu hi gu navo hi na hidzimela vbafuvbi ni lidhoropa; avbo va na gukhavo khu hi khinga, hi na gira kha nga idzo hi giridego guphelatunu hi na tutuma mbeli gwawe.

Josuwa 8:6

Avo va na duga va hi landra kala hi va ndrindrela guya hwindzo ni lidhoropa; kholu va na, khavo: Ha gu va thava kha nga guhegulani. Khu guralo, hi na tutuma mbeli gwawe.

Valamuli 20:31

Va na Bhejami va di duga va khinga va na Israyeli, avbo va nga ndreyiswa va yiswa hwindzo ni lidhoropa, va phela gu songa vathu nya gukari va na Israyeli, kha nga idzo va nga bani va gira khu dzimbe dzinyondro, va songide tanga nya magumararu vathu va na Israyeli dzindzilani nya guye Bheteli, ni yimbe nya guye Gibheya khu likhabi.

Valamuli 20:33

Khavbo avbo, vatshavbo va na Israyeli va di duga khu malangani va nga bani va fode khumo, vaya fola khu Bhahali-Tamari, va na Israyeli va nga bani va varamide va di duga khu wulangani wule va nga bani na va romo, khu kovani wa Gibheya.

Valamuli 20:39

Va na Israyeli va di tutuma va gira gu khwatshi va di padwa, khu guralo, va na Bhejami va di dwana va songa magumararu vathu va na Israyeli, va di pimisa gukhavo: “Hi va pade kha nga nyondro nya guhegule.”