Valamuli 20:26 - Bhibhiliya Nya Guage

²⁶ Khavbo avbo, vatshavbo va na Israyeli, ni vathu vatshavbo, va di gwela dhoropani ga Bheteli vaya lila, va di khala vbale mbeli ga Pfhumu Nungungulu, va hala litshigu latshavbo kalani silambo, va ningela miphaso nya guvbiswe ni miningelo nya gurule mbeli ga Pfhumu Nungungulu.

Valamuli 20:26 Iomraidhean Croise

Genesi 28:19

Jakobe a di rana wulanga wule, khuye Bheteli, lidhoropa khu gale li nga bani li gu ranwa gupwani Wenengedzo.

2 Samuweli 3:35

Khavbo avbo, vathu vatshavbo va di ta khongotela Dhavhidhe gukhavo a na hodze guhodza na gu ngari mihani; aholu mufumeli a di sambanya, khuye: “Pfhumu Nungungulu a na nyi tsayise khu tshivba nya gu hodza gibaba, mwendro gilogyogyo, na li si gu pfoli lidambo.”

2 Dzikoronika 20:3

Josafati a di khala hwanga, aya lombelela ga Pfhumu Nungungulu, a laya va na Judha vatshavbo gukhuye va hala, nyamba hodza gilo.

Ezira 8:21

Na hiri vbafuvbi ni tsongo wa Ahavha, nyi di emisa litshigu nya guhale gasi gu dzi sola mbeli ga Nungungulu wathu, gasi hi mu lomba gu a hi yeyedze ndzila nya yadi, ethu ni sanana sathu, gumogo ni silo sathu satshavbo.

Jeremiya 36:9

Khu ngima nya livbandre na wu na nya mwaga nya livbandre nya gufume ga Jowakimi, mwamana wa Josiya, mufumeli wa Judha, gu di tiviswa ga vathu vatshavbo va Jerusalema, thetho nya guhale mbeli ga Pfhumu Nungungulu, gumogo gambe ni vathu vatshavbo va nga bani va guta Jerusalema khu madhoropani ya Judha.

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Josuwa 24:1

Josuwa a di tombanisa mahundzu yatshavbo ya na Israyeli tigoni ga Sikemi, a ranisa gambe madhota yawe, vathangeli, valamuli gumogo ni dzindruna; vatshavbo va di ya dzi bikela mbeli ga Nungungulu.

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:25

Va na Bhejami navo va di duga khu Gibheya, khu litshigu nya wuvili va va khinga, va thesa gambe vbavbatshi likhumi na livbandre na mararu magumi mazana vama (18.000) vatshavbo nya gu bani va somide matshari.

Valamuli 21:2

Khavbo avbo, va na Israyeli, va dita Bheteli, va ta khala vbale kala vbasilambotunu, va di khusa malito va wombedzela dzihuwa va lila ga Nungungulu khu wuvi nya wukhongolo.

Valamuli 21:4

Khu litshigu li landrelago, vathu va di wuga na gu ngari dzimindru, va emisa vbale giluvelo, va ningela miningelo nya guvbiswe ni miningelo nya gurule.

1 Samuweli 11:4

Myango yi di vboha kala Gibheya iyo a nga bani na gu manegela iyo Sawule, va di tivisa mahungu yaya ga vathu va tigoni. Khavbo avbo, vathu va di lila va womba dzihuwa.

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.