Valamuli 20:18 - Bhibhiliya Nya Guage

¹⁸ Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:18 Iomraidhean Croise

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Mitengo 27:21

Uye a na ya ema mbeli ga muphasi nya mhamba, Eleyazari; muphasi nya mhamba a na wudzisa khu uye ga Pfhumu Nungungulu khu gulola solo nya guage, khu guleleta nya Urimi; khuye a na ningago lito nya gu va duga, khuye gambe a na ningago lito gukhuye va bele, uye gumogo ni va na Israyeli ni tshangano watshavbo.”

Mitengo 27:5

Khu guralo, Mosi a di yisa mahungu yawe mbeli ga Pfhumu Nungungulu.

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Josuwa 9:14

Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu.

Valamuli 18:31

Avo va di dzi emisela gifananiso gi nga vatwa khu Mika, gi di khala vbakari gwawe matshigu yatshavbo, avbo Nyumba ya Nungungulu yi nga manega dhoropani ga Silo.

Valamuli 19:18

Uye a di mu hakha, khuye: Ethu ha guta khu Bhetlehema ga Judha, ha guya kovani nya gigomo gya Efrayimi, a gu umo nyi velegedwego umo, nyi di endride nyi ya Bhetlehema ga Judha, gasi olu nya gu hongola Nyumbani ga Pfhumu Nungungulu, nya gu hamuga muthu nya gu nyi hakhe ndrangani gwaye.

Valamuli 20:17

Va na Israyeli vbavbandze nya lihundzu la Bhejami, va di sayela vama vawe, va mana tengo nya mazana mana magumi (400.000) mazana nya gusome matshari vatshavbo nya gukodze gu dwana nyimbi.

Valamuli 20:19

Va na Israyeli va di khuga na gungari dzimindru, vaya fola vbafuvbi ni Gibheya.

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”

Valamuli 20:7

Khu guralo, mwatshavbo enu va na Israyeli, ganelani ni gu dundrugisana khu mahungu yaya.

1 Samuweli 10:3

Wa guvbindra vbale uya mbeli, u vboha simboni nya nguhu wa Tabhori; avbovbo u nata manwa khu vama vararu va gwelago gasi guya khozela Nungungulu tigoni ga Bheteli, moyo nari ni dziphongo dzitharu, mumbe ni sibaba siraru, ni mumbe nari ni gigasi nya vbinyu.