Valamuli 20:13 - Bhibhiliya Nya Guage

¹³ Olu hi ningeni vama vale nya mighewu nya sanana sa Bheliyali, va vbanyago Gibheya, gasi hi va songe, hi fuvisa wuvivbi vbakari ga va na Israyeli.” Aholu va na Bhejami kha va nga dzumela gu yingisa mahungu va nga embedwago khu vandriyawe va na Israyeli.

Valamuli 20:13 Iomraidhean Croise

2 Samuweli 20:1

A di dugelela mwama moyo nya dzihanyi wa Bheliyali; lina laye nya gupwani khu Sebha, mwamana wa Bhikiri wa na Bhejami; a di womba pundru, khuye: “Ethu kha hi lumbwi khu gilo ga Dhavhidhe, mwendro thomba ga mwamana wa Jese; enu va na Israyeli, muthu ni muthu a na hongole tshatshani gwaye.”

2 Samuweli 23:6

Aholu, sanana sa Bheliyali satshavbo si na rinywa vbavbandze gu fanana ni miba, eyi yi si kodzwigo gu pharwa khu mandza;

1 Dzipfhumu 21:13

Khavbo avbo, gu dita vama vavili nya guvivbedwe khu monyo, va ta ema mbeli ga Nabhoti. Va di gira wufakazi nya malipha va mu rwega nandru mbeli ga vathu, khavo: “Nabhoti vade Nungungulu ni mufumeli.” Va di mu dzega va mu dusa vbavbandze nya lidhoropa va mu pfara khu siwindri kala afa.

2 Dzikoronika 13:7

Va nya guhandruga, sitandra valayi, va tombanide gwaye va somela matshari Robhowamo, mwamana wa Solomoni. Robhowamo a nga bani na ngari gyanana nari mwalo tshivba, a di tandrega gu dzi vhikela.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

2 Dzikoronika 25:20

Aholu Amaziya gima kha nga vbweta gu sipwa, kholu esi si di guta khiyo ga Nungungulu, gasi a mu ningela mandzani ga valala vaye, kholu a nga khozela vambe vanungungulu va va na Edhomi.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Muhevbudzi 11:10

Khu guralo, dusa gugaradzega gwa monyoni gwago, u hambana niso si na gu tshanisago mili wago, kholu wanana ni wudzaha gu dzi pfhadza, kha si phasi gilo.

Hoseya 10:9

Gukhugela matshiguni ya Gibheya, uwe Israyeli u di gira sighoho, u simama gu gira kharato. Ina nyimbi kha mwa manwa khiyo tigoni ga Gibheya, khu guta vbweta va nya guvivbedwa khu monyo, gani?

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Varoma 1:32

Avo va ngu dziti, gukhuga ni guema gukhavo, nayo wa Nungungulu wa gu ruma gukhuwo vatshavbo ava va vbanyago kharalo, va ngu fanedwa khu gufa. Aholu, kha va hegeli basi gu gira silo sesi, va gu pata ni guzundza vale va vbanyago navo kharato.

1 Vakorinto 5:13

Aholu Nungungulu khuye a na va lamulago ava va guromo vbavbandze nya libandla. Muthu yoyo nya guvivbe mu duseni vbakari gwanu.

2 Vakorinto 6:15

Gu mwalo gu hengela Kristo ni Sathane kha nga gambe gu gu mwalo ga oyu a khodwago ni oyu nyamba khodwa.

Dhewuteronome 13:13

vama nya gukari nya guvivbedwe khu monyo va dugide khu vbakari gwago, va gurumedza vavbanyi va dhoropani gwawe, khavo: Hongoleni hi khozela vambe vanungungulu, u si vatigo,

Dhewuteronome 13:5

Muprofeti yoyo mwendro mutshamuseli yoyo nya miloro fanede gu songwa, kholu huwelede khu guwugela Pfhumu Nungungulu wanu, a mi dusidego khu tigoni ga Egipito a mi dzegisa nyumbani nya wugumbi, gasi gu mi hambanisa ni ndzila Pfhumu Nungungulu wanu, a mi ningidego gasi mu gimbila khiyo. Kharati u na vbedza wuvivbi vbakari gwago.

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Dhewuteronome 17:12

Muthu a na kanyisago a si yingisi muphasi nya mhamba a na gu bani ari vbale gasi gu thumela Pfhumu Nungungulu wago, ambari gu yingisa mulamuli, muthu yoyo fanede gu songwa; khu magirelo yoyo mu na vbedza wuvivbi vbakari ga va na Israyeli,

Dhewuteronome 17:7

Mandza nya dzifakazi ma na phela khayo gu mu veta, gasi gu mu songa; gu landrela mandza ya vathu vatshavbo; kharati, u na vbedza guvivba vbakari gwago.

Dhewuteronome 19:19

mu na yi gira kha nga idzo yi nga vbweta gu gira muakelane waye; khu guralo u na fuvisa guvivba vbakari gwago;

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

Dhewuteronome 22:21

va na mu dzega va gu hongola naye nyangwatunu nya ndranga ya babe waye, vama va dhoropani gwaye va na mu pfara khu siwindri kala afa, kholu giride dzitshoni tigoni ga Israyeli, a dzi gira libhemba ndrangani ga babe waye; khu guralo, u na vbedza guvivba vbakari gwago.

Dhewuteronome 22:24

khavbo avbo, mu na va dzega vatshavbo mu hongola navo nyangwatunu nya lidhoropa lile, mu ya va pfara khu siwindri kala vafa; kholu nyamahegyane kha womba huwa dhoropani, ni mwama, kholu a poyide mwangadzi wa ndriyaye; khu guralo, u na vbedza wuvivbi vbakari gwago.

Dhewuteronome 24:7

A gu manwa muthu wa na Israyeli na gu mola moyo wa vbakari nya vandriyaye nya sanana sa Israyeli, a mu gira kha nga khumbi mwendro gu mu rengisa, mbafa yoyo yi fanede gu songwa. Khu guralo, u na vbedza wuvivbi vbakari gwago.

Valamuli 19:22

Na vari vbakari nya gutsake, gu dita vama nya mighewu ya dhoropani mule, nya sanana sa Bheliyali, va ta randrela nyumba ya gikhosane gile, va veta lidimba, va embela gikhosane gile nya mune ndranga, khavo: “Nga dusa vbavbandze muthu yoyo a bedego nyumbani gwago, gasi hi ta hagana khuye.”

Valamuli 20:12

Va na Israyeli va di rumela vathu vaya ga mahundzu yatshavbo ya na Bhejami, vaya, khavo: “Gasi khu ginani mu nga girani vbakari gwanu guvivba nya gunyenyeze nya nga ogu, na?

Valamuli 20:14

Khavbo avbo, va na Bhejami va di duga khu madhoropani gwawe vaya tombana Gibheya, gasi guya dwana ni va na Israyeli.

1 Samuweli 2:25

Muthu a gu ghohela muthu kwawe, Nungungulu a ngu mu emela; aholu uye a gu ghohela Pfhumu Nungungulu, khu mani a na gu mu lombelelago? Aholu kha va ngapwa lito la babe wawe, kholu Pfhumu Nungungulu a di fungide gu va songa.

1 Samuweli 30:22

Aholu vbakari nya vathu va nga bani va hongode nyimbitunu ni Dhavhidhe, gu diri ni vathu nya guvivbedwe khu monyo nya sanana sa Bheliyali, va di hakha, khavo: “Olu va nga tshala va si hongoli ni ethu, kha va yeli gu ningwa phango hi phangidego; gasi olu, muthu ni muthu, a na dzege mwangadzi waye ni sanana saye a hongole.”