Valamuli 2:2 - Bhibhiliya Nya Guage

² Khu guralo, enu mu nga hungini gidzumeledzwano ni vavbanyi va tigoni momu, na mu si gu pfhungumuli siluvelo sawe; aholu kha mwa yingisa lito langu. Khu ginani mu giridego isoso?

Valamuli 2:2 Iomraidhean Croise

Genesi 12:18

Faro a di rumela guya ranwa Abrama, a ta mu embela, khuye: “Khu ginani u giridego esi kharati? Khu ginani u ngamba nyi embela gukhuwe i mwangadzi wago?

Genesi 4:10

Pfhumu Nungungulu a di engedza, khuye: “Ginani u giridego? Wona gukhuwe novba wa ndriyago u wu vbaladzidego, wu ngu womba huwa, yi pwala gukhugela mafuni kala eno gwangu.

Ekisodha 32:21

Mosi a di wudzisa Aroni, khuye: “Ginani va gu giridego vathu vava, gukala u va diga va gira gighoho nya gikhongolo kharati?”

Jeremiya 2:18

Gasi olu, ga gu phasa ginani gu tutuma u bwelela Egipito, u ya sela mati nya tsongo wa Nilo? Gwa gu phasa ginani gu tutuma u hongola Asiriya, gasi u ya sela mati nya tsongo wa Ewufrate?

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 2:5

Pfhumu Nungungulu a ngu ganela kharati, khuye: “Gasi guvivba muni va gu wonidego vababe vanu avbo gwangu, gu kala va hambana ni eni, va ya namarela ga sifananiso nyamba phasa gilo, va vbindrugedza va khala maphuphulu?”

Dhewuteronome 7:16

U na mbembisa vathu vatshavbo avo Pfhumu Nungungulu wago, a na gu ningago; maho yago kha ma na va pwela wusiwana, gambe khu na khozela vanungungulu vawe, kholu isoso si nga tshukha si khala milaphwi gwago.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Josuwa 9:7

Va na Israyeli va di va hakha, khavo: “A gu dzina mwa gu vbanya vbafuvbi gwathu. Hi na kodza kharini gu gira nanu pwanano?”

1 Pedro 4:17

Kholu gikhati nya gulamudwe gi vbohile. Avo va lumbago Nungungulu va na hegula khavo va lamudwa. Olu hi na phelago khethu hi lamudwa, ginani gi na gu dugelelago ga vale va ngamba hakha Mahungu nya Yadi ya Nungungulu?

Valamuli 2:20

Khavbo avbo, Pfhumu Nungungulu a di gorogela vathu va na Israyeli, a va embela, khuye: “Olu mu fanyidego gidzumeledzwano nyi hungidego ni vababe vanu, ni gumba yingisa lito langu,

Valamuli 6:10

Uye a mi embede gambe, khuye: Eni kheni Pfhumu Nungungulu wanu; mu nga khozeli vanungungulu va Vaamori; mu khalago tigoni gwawe. Aholu kha mwa nyi yingisani.”

Valamuli 6:8

Pfhumu Nungungulu a di va rumela muprofeti a nga ta va embela, khuye: “Pfhumu Nungungulu wa Israyeli a ngu ganela kharati, khuye: Nyi mi dusideni khu tigoni ga Egipito, ndranga nya wugumbi;

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.