Valamuli 2:19 - Bhibhiliya Nya Guage

¹⁹ Aholu gikhati afago mulamuli wule, avo va di bwelela gambe vaya gira guvivba guvbindra vavelegi vawe, va landrisela vambe vanungungulu, va noga mbeli gwawe, va va khozela; kha va nga hambana ni mithumo yawe nyambasi yadi, ni dzindzila dzawe nya guwegele.

Valamuli 2:19 Iomraidhean Croise

Genesi 6:11

Nungungulu a di wona gukhuye litigo latshavbo li ghohekide, gambe li tade khu wughevenga.

Nehemiya 9:28

Aholu, hwane nya gu bani va pwide wutshukwana, va di wuya gambe va gu ghohela, Uwe U di va pfhurarela U va ningela mandzani ga valala vawe, gasi va khoziswa khavo. Aholu gikhati va nga vbindrugedza mavbanyelo va gu rana, Uwe khu vbatshani yoyo U guromo ndzadzini, U va yingiside. Khu kotani nya wuhindzi wago nya wukhongolo, U va tshudziside dzinyondro nya dzingi.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Ekisodha 32:7

Khavbo avbo, Pfhumu Nungungulu a di embela Mosi, khuye: “Vbiredza, u relela! Kholu vathu vago, avo u nga va dusago tigoni ga Egipito va ghohide.”

Jeremiya 16:12

Khu guralo, mu dzi nyenyeziside guvbindra vababe vanu, wonani nya gukhenu muthu ni muthu a gu landrisa iso si godwago khu monyo waye nya guvivbe a si dzumeli gu nyi yingisa.

Jeremiya 23:17

Va gu simama va embela vale va bombago magana yangu, khavo: Pfhumu Nungungulu a ngu ganela, khuye: Mu na khalega khu gurula; va tiyisa gambe vale va si khathaligo khu magana yaye, khavo: “Li mwalo libango li na gu mi dugelelago.”

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Ezekiyeli 20:30

Khu guralo, ganela u embela va na Israyeli, khuwe: Mune, Pfhumu Nungungulu a ngu ganela kharati, khuye: Ina enu khandri mwa gu dzi nyenyezisa gu fanana ni edzi va dzi nyenyezisidego khidzo vababe vanu, gani? Khandri mwa gu namarela ga sifananiso sawe nya gunyenyeze, gani?

Matewu 23:32

Tadziselani mwabune gipimo gya vababe vanu!

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Josuwa 24:31

Israyeli a di khozela Pfhumu Nungungulu gikhatini gwatshavbo nya guvbanye ga Josuwa, ni gikhati gya madhota ma vbanyidego hwane nya gufe ga Josuwa; avo va nga bani va yiti mithumo yatshavbo Pfhumu Nungungulu a yi giridego ga va na Israyeli

Valamuli 10:13

Aholu enu mu di nyi digani, mu ya khozela vambe vanungungulu; khu guralo, kha nyi na mi tshudzisani gambe.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

Valamuli 2:20

Khavbo avbo, Pfhumu Nungungulu a di gorogela vathu va na Israyeli, a va embela, khuye: “Olu mu fanyidego gidzumeledzwano nyi hungidego ni vababe vanu, ni gumba yingisa lito langu,

Valamuli 2:7

Vathu va di khozela Pfhumu Nungungulu, gukhugela gikhatini gyatshavbo nya guvbanye ga Josuwa gumogo ni gikhati madhota ma vbanyidego hwane nya gufe ga Josuwa ni gu wona thumo nya wukhongolo owu Pfhumu Nungungulu, a giredego va na Israyeli.

Valamuli 4:1

Hwane nya gufe gwa Ewudhi, va na Israyeli va di engedza gu gira ugo guvivbidego mahoni ga Pfhumu Nungungulu.

Valamuli 8:33

Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

1 Samuweli 15:23

Gumba yingisa, nandru nya wukhongolo, nya gufanane ni wuloyi, ni gu ganedza gwa gu fanana ni gukhozela sifananiso. Kholu, u nyenyide gupwa magana ya Pfhumu Nungungulu, uye nuye a ngu gu nyenya ni gu gu dzegela wufumu.”