Valamuli 2:18 - Bhibhiliya Nya Guage

¹⁸ Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.

Valamuli 2:18 Iomraidhean Croise

Genesi 6:6

Nungungulu a di dzi laya kholu a nga girago muthu, a di swihala ngudzu.

2 Dzipfhumu 13:4

Aholu Jeyowakazi a di lombelela mbeli ga Pfhumu Nungungulu; ni Pfhumu a di mu yingisa; kholu a di wona idzo va nga bani va tshaniswa khidzo va na Israyeli khu mufumeli wa Siriya.

Dzindzimo 12:5

Kholu Pfhumu Nungungulu a di khuye: “Olu nyi na khuga nyi ema, kholu va nya gusolega va ngu saniswa, sisiwana si ngu keta khu wuvi nyi na va resela guvbanyiswa va gu vbwetago.”

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Ekisodha 3:12

Nungungulu a di mu hakha, khuye: “Khu lisine eni nyi na bani nyiri nago. Egi khu giwonegiso nya gupwani kheni nyi gu rumelago; hwane nya gu bani nu duside vathu vangu khu tigoni ga Egipito, mu nata khozela Nungungulu gigomoni momu.”

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Jona 3:10

Nungungulu a di wona esi va nga girago, nidzo va nga vbindrugedzago khidzo ndzilani gwawe nya guvivbe. A di dzi laya khu guvivba a nga vbweta gu va girela, a si va mbembisi kha nga a nga bani na ganede.

Mitengo 10:9

Mwa gu soma nyimbi tigoni gwanu guya dwana ni valala vanu vatago va ta mi dhumela, gu vbweta mu womba mipundru yi dzuma ngudzu. Khu guralo, Eni Pfhumu Nungungulu, nyi na mi alakanyani nyi mi vbulugisa ga valala vanu.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Valamuli 10:16

Khavbo avbo, va di khungumulela vanungungulu nyamba phasa gilo va nga bani varomo vbakari gwawe, va khozela Pfhumu Nungungulu; uye a di vbisega ngudzu khu kotani ya Israyeli.

Valamuli 11:32

Khu guralo, Jefiti a di ya dwana ni va na Amoni, Pfhumu Nungungulu a di va ningela mandzani gwaye.

Valamuli 2:19

Aholu gikhati afago mulamuli wule, avo va di bwelela gambe vaya gira guvivba guvbindra vavelegi vawe, va landrisela vambe vanungungulu, va noga mbeli gwawe, va va khozela; kha va nga hambana ni mithumo yawe nyambasi yadi, ni dzindzila dzawe nya guwegele.

Valamuli 3:9

Khu guralo, va na Israyeli, va di lila ga Pfhumu Nungungulu, uye a di va rumela mutshudzisi a ta va tshudzisa, a gu uye Otiniyeli, mwamana wa Kenazi, ndruye nya nandra waye wa Kalebi.

Valamuli 6:12

Khavbo avbo, Ngilozi ya Pfhumu Nungungulu yi di mu tumbulugela yi ta mu embela, khiyo: “Gidhiyoni, Pfhumu Nungungulu a na ni uwe mudwani nya tshivba nya nyimbi.”

Valamuli 6:16

Pfhumu Nungungulu a di mu hakha, khuye: “Eni nyi na bani nyiri nago, u na pala va na Medhiyani vatshavbo nga khwatshi wa gu pala muthu moyo basi.”