Valamuli 2:17 - Bhibhiliya Nya Guage

¹⁷ Ambari khu isoso, kha va nga yingisa valamuli vawe, aholu va di dzi ningedzela gu gira wubhayi ni vambe vanungungulu va va khidzimela. Va di vbiredza gu ndreya ndzilani va nga bani va gimbila khiyo vababe vawe, va nga bani va yingisa sileletelo sa Pfhumu Nungungulu, va si giri kha nga avo.

Valamuli 2:17 Iomraidhean Croise

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Dzindzimo 106:43

A va vbanyiside dzinyondro nya dzingi, aholu, avo va di hambana ni dzindzila dzaye, va engedzela gu siga maragani nya guvivbe gwawe.

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Ekisodha 32:8

Kha va hwela gu penga va diga ndzila nya milayo nyi va ningidego. Va dzi wumbede githombe nya mombe nya gikete, va gi khozela, va gi ninga miphaso nya dzimhamba, va ganela, khavo: “Uwe Israyeli, oyu khu nungungulu wago a gu dusidego tigoni ga Egipito.”

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Levhi 17:7

Gima kha va na nga ningela gambe sifuyo sawe, va girela miphaso vanungungulu vawe nya vamabhongwe va vbanyago navo. Va fanede gu sayisa nayo yoyu, avo ni situgulwana sawe, khu mimela ni mimelana kala gupindruga.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Vagalatiya 1:6

Nyi ngu liwuga ngudzu khu gu wona gukheni kha mwa hwela gu diga oyu a nga mi ranago khu lihaladzo la Kristo, mu gu landrisa yimbe “Ivhangeli” nya guhambane.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 31:18

Khu lisine kamwe, khu litshigu lolo eni nyi na va sihela khovbe yangu, khu guvivba gwatshavbo va na gu bani va giride, khu gu landrela vambe vanungungulu.

Dhewuteronome 9:12

Khavbo avbo, Pfhumu Nungungulu a di nyi embela, khuye: Khuga, u relela khu guvbiredza, kholu vathu vago, u va dusidego tigoni ga Egipito, olu va giride guvivba; va vbiredzide gu diga ndzila eyi nyi nga va leletelago; va dzi girede gifananiso nya dzisimbi nya gunyiviligiswe.

Dhewuteronome 9:16

Nyi di khedza, nyi wona gukheni mu ghohede Pfhumu Nungungulu wanu; khu gu dzi girelani gimombyana nya dzisimbi nya gunyiviligiswe; mu di vbiredzani gu diga ndzila eyi Pfhumu Nungungulu a mi rumidego.

Josuwa 24:24

Vathu va di embela Josuwa, khavo: “Pfhumu Nungungulu wathu, khuye basi hi yelago gu Mu khozela ni gu yingisa lito Laye.”

Josuwa 24:31

Israyeli a di khozela Pfhumu Nungungulu gikhatini gwatshavbo nya guvbanye ga Josuwa, ni gikhati gya madhota ma vbanyidego hwane nya gufe ga Josuwa; avo va nga bani va yiti mithumo yatshavbo Pfhumu Nungungulu a yi giridego ga va na Israyeli

Valamuli 2:7

Vathu va di khozela Pfhumu Nungungulu, gukhugela gikhatini gyatshavbo nya guvbanye ga Josuwa gumogo ni gikhati madhota ma vbanyidego hwane nya gufe ga Josuwa ni gu wona thumo nya wukhongolo owu Pfhumu Nungungulu, a giredego va na Israyeli.

Valamuli 8:33

Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

1 Samuweli 12:12

Avbo mu nga wona nya gukhenu Nahasi, mufumeli wa na Amoni, a nguta mu sasela, ambari mu nga bani mu dzitini gukhenu Pfhumu Nungungulu khuye Pfhumu yanu, mu di nyi embela, khenu: Ha gu lomba mufumeli nya gu hi fume;

1 Samuweli 12:17

Ina olu khandri gikhati nya guvbwere tirigu, gani? Olu nyi na lombelela ga Pfhumu Nungungulu, a resa mabara ni ndzadzi. Khavbo mu na gu dzitigo ni gu wona wugulu nya gighoho gyanu mbeli ga Pfhumu Nungungulu, kholu mu nga lombani mufumeli.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”