Valamuli 2:14 - Bhibhiliya Nya Guage

¹⁴ Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 2:14 Iomraidhean Croise

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

2 Samuweli 7:11

gukhugela litshigu nyi vegidego valamuli ga vathu vangu, va na Israyeli, khu guralo nyi na gu hefemudza ga valala vago vatshavbo. Bwelo khavbo Pfhumu Nungungulu a na gu tivisa gukhuye uye a na gu vbahela nyumba.

2 Dzipfhumu 13:3

Khu guralo, likhulo la Pfhumu Nungungulu li di khondrela va na Israyeli, a va ningela mandzani ga Hazayeli, mufumeli wa Siriya ni mandzani ga Bheni-Hadhadhi, mwamana wa Hazayeli, matshiguni yale yatshavbo.

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzikoronika 15:5

Khu matshigu yale, gu diri mwalo gurula, ga avo va nga bani na va gubela ambari avo va nga bani na va guduga, kholu dzitshanisa dzi di manega ga vathu vatshavbo va mayigo mule.

2 Dzikoronika 28:5

Khu guralo, Pfhumu Nungungulu waye, a di mu ningela mandzani ga mufumeli wa Siriya. Vaasiriya va di mu pala va mola vathu vaye nya vangi va vbagedwa va yiswa Dhamasiko wugumbitunu; bwelo khavbo a mu ningela mandzani ga mufumeli wa Israyeli, a sasedwa gambe khuye.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Nehemiya 9:27

Khu guralo, U di va ningela mandzani ga valala vawe, va gu va tshanisa, aholu gikhati va nga bani va tshaniseka, va di lila avbo gwago, Uwe U va yingisa nuri khu vbatshani yoyo ndzadzini. Khu kotani nya wuhindzi wago nya wukhongolo, U va rumede vatshudzisi va ta va vbulugisa mandzani ga valala vawe.

Dzindzimo 44:11

Uwe u hi ningede kha nga dzinvuta nya guye gusindzwatunu u hi phalalegiside vbakari nya mayigo.

Dzindzimo 44:12

Wa gu rengisa vathu khu tengo nyamba phasa gilo, gi mwalo u wuyedwago khigyo avbo nya tengo yoyo.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 37:10

Ambari nari gupwani Vakalidhiya, mu di va sasede vatshavbo va vbela, gu tshala basi vale nya gu bayisedwe mitshatshani gwawe, moyo ni moyo a di hadza gu duga khu tshatshani gwaye ata vbisa khu nilo lidhoropa leli.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Levhi 26:37

Va na thegela vbatshani ga vathu vakwawe gukhwatshi va gu thava matshari, nyamba lundrwa khu muthu; gima kha mu na wuga gambe vbatshani ga valala vanu.

Mitengo 32:13

Khu guralo, Pfhumu Nungungulu a di goroga, a wugela va na Israyeli, a va gira va legalega giwulani gipimo nya magumana myaga, kala gu vbela melana watshavbo nya vale va nga gira guvivba mbeli ga Pfhumu Nungungulu.

Mitengo 32:14

Olu enu nenu mwa gu vbweta gu dzega wulanga wa vababe vanu mu khala gitugulwana nya sighohi, mu engedzela likhulo la Pfhumu Nungungulu vbakari ga va na Israyeli.

Dhewuteronome 28:20

Pfhumu Nungungulu a na resa libango vbatshani gwago, pfilupfilu, gutshaniseka ni gu luzekedwa khu mithumo yatshavbo ya mandzani gwago, kala u mbembiswa khu guvbiredza, khu kotani nya mithumo yago nya guvivbe u yi giridego khu guhambana ni eni.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Josuwa 23:16

Mwa gu hambanisa gidzumeledzwano gya Pfhumu Nungungulu wanu, a mi leletedego, mu ya thumela vambe vanungungulu ni gu va khozela, khavbo avbo likhulo la Pfhumu Nungungulu li na khondra vbakari gwanu, mu na vbelani nyamba hwela tigoni momu nya gwadi a mi ningidego.

Valamuli 1:19

Pfhumu Nungungulu a diri ni Judha, uye a di tutumisa vavbanyi va mugigomoni, aholu vavbanyi va panini, kha nga va tutumisa, kholu va diri ni dzikareta nya dzisimbi.

Valamuli 1:34

Vaamori va di lundra lihundzu la na Dhani va va gwedzisa musigomoni, va si va dzumedzisi gu relela kovani.

Valamuli 10:7

khu guralo, likhulo la Pfhumu Nungungulu li di khondrela va na Israyeli, a va rengisa mandzani ga Vafilisitiya ni mandzani ga sanana sa Amoni.

Valamuli 2:20

Khavbo avbo, Pfhumu Nungungulu a di gorogela vathu va na Israyeli, a va embela, khuye: “Olu mu fanyidego gidzumeledzwano nyi hungidego ni vababe vanu, ni gumba yingisa lito langu,

Valamuli 3:12

Va na Israyeli va di engedza va gira gambe ugo guvivbidego mahoni ga Pfhumu Nungungulu; aholu, Pfhumu Nungungulu a di ninga tshivba Egiloni, mufumeli wa Mowabhi, gasi gu sasela va na Israyeli, kholu, va di gira silo nya guvivbe mahoni ga Pfhumu Nungungulu.

Valamuli 4:2

Pfhumu Nungungulu a di va ningela mandzani ga Jabhimi, mufumeli wa Khanani, a nga bani na gu fuma dhoropani ga Hazori. Sisera a diri ndruna yaye nya nyimbi, uye a di gu vbanyela tigoni ga Haroseti-Hagoyimi.