Valamuli 2:11 - Bhibhiliya Nya Guage

¹¹ Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 2:11 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Genesi 38:7

Aholu Eri, matiwula ya Judha, a diri ni mavbanyelo ma vivbidego mahoni ga Pfhumu Nungungulu. Khavbo avbo, Nungungulu a di mu bayisa afa.

1 Dzipfhumu 11:5

Kholu Solomoni a di khozela Asitaroti, nungungulu wa Vasidhoni, ni Malikomi, nungungulu nya manyala wa va na Amoni.

1 Dzipfhumu 18:18

Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

1 Dzipfhumu 22:53

A di gira silo nya guvivbe mahoni ga Pfhumu Nungungulu; kholu a di gimbila khu dzindzila dza babe waye, gumogo ni dzindzila dza mayi waye, nidzo dza Jerobhowamo, mwamana wa Nebhati, a nga gira a ghohisa va na Israyeli.

2 Dzikoronika 28:2

aholu a di landrisa dzindzila dza vafumeli va Israyeli. A di gira ni sifananiso nya Vabhahali khu simbi.

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Ezira 8:12

Va na Azigadhi, khu Jowanani, mwamana wa Hakatani, uye a diri ni lizana ni likhumi (110) vama.

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Dzindzimo 78:56

Ambari ulo, va na Israyeli va di tiya gu wugela Pfhumu Nungungulu, va mu linga, va si yingeli milayo yaye.

Jeremiya 11:10

Va bwelelede ga sihevbulo nya guvivbe sa vababe vawe, va ngamba dzina gu yingisa magana yangu; va khozela vanungungulu nya malipha; nyumba ya Judha ni Israyeli va yeyiside gidzumeledzwano nyi giridego ni vababe vawe.

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 2:20

Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 2:23

U na ganela kharini gukhuwe: Eni kha nya dzi nyenyezisa; ambari gu khozela vanungungulu nya Vabhahali? Nga alakanya idzo u nyi ghohedego khidzo kovani, nga khedza iso u giridego; wa gu tutumatutuma gu fanana ni ngameriya nya mbiri yi vbwetago matune,

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 9:14

Va di landra gulemela nya myonyo yawe, va landrisela sifananiso sa Bhahali, gukhedza khedzi va hevbudzidwego khidzo khu vavelegi vawe.”

Mitengo 25:3

Va na Israyeli va diya dzi tshanganisa ni Bhahali-Peyori, khu guralo Pfhumu Nungungulu a di wugela va na Israyeli.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Dhewuteronome 4:25

Khu guralo, gikhati mu na gu velegago sanana ni vatugulu, mu gumba mafuni momu, mwa gu dzi nyenyezisa, mu girani gifananiso nya gukari nya guwumbwe, gi fananago ni gilo nya gukari, mu girani guvivba mahoni ga Pfhumu Nungungulu wanu, gasi gu mu gorogisa,

Valamuli 10:10

Khavbo avbo, va na Israyeli va di lila ga Pfhumu Nungungulu va ganela, khavo: “Hi gu ghohede uwe, kholu hi digide Nungungulu wathu, hi khozela Vabhahali.”

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 13:1

Va na Israyeli va di engedza va gira silo nya guvivbe mahoni ga Pfhumu Nungungulu, Pfhumu a di va ningela mandzani ga Vafilisitiya gipimo nya magumana myaga.

Valamuli 3:12

Va na Israyeli va di engedza va gira gambe ugo guvivbidego mahoni ga Pfhumu Nungungulu; aholu, Pfhumu Nungungulu a di ninga tshivba Egiloni, mufumeli wa Mowabhi, gasi gu sasela va na Israyeli, kholu, va di gira silo nya guvivbe mahoni ga Pfhumu Nungungulu.

Valamuli 3:7

Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 4:1

Hwane nya gufe gwa Ewudhi, va na Israyeli va di engedza gu gira ugo guvivbidego mahoni ga Pfhumu Nungungulu.

Valamuli 6:1

Va na Israyeli va di gira silo nya guvivbe mahoni ga Pfhumu Nungungulu; Uye a di va ningela mandzani ga Vamedhiyani gipimo nya livbandre na mivili myaga

Valamuli 6:25

Ga wutshiguwule wa wumowo, Pfhumu Nungungulu a di mu embela, khuye: “Dzega gimombyana gya babe wago, ni mombe nya wuvili nya livbandre na mivili myaga, u khungumula giluvelo gya Bhahali gi lumbago babe wago, u pila lidingo la Asera, li guromo khu bambe nya giluvelo.

Valamuli 8:33

Me ni gufa Gidhiyoni, va na Israyeli va di engedza gu gira wuphuphulu ni Vabhahali, va va khozela. Va di emisa Bhahali-Bheriti a khala nungungulu wawe.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”

1 Samuweli 7:4

Khavbo avbo, va na Israyeli va di dusa vbakari gwawe sifananiso nya Vabhahali ni sa Asitaroti, va thumela basi Pfhumu Nungungulu.