Valamuli 19:24 - Bhibhiliya Nya Guage

²⁴ Kha mu yi woni eyi mbiri yangu nya likendzi ni gibhayi gyaye, va duseni vbavbandze mu gira khavo gu gola gwanu, aholu ga mwama yoyu mu nga girini guvivba nya nga ugogo.”

Valamuli 19:24 Iomraidhean Croise

Genesi 19:8

Upwani: Nyi na ni sanana sivili nya sagadzyana si ngarigo makendzi, nyi na mi ninga avo mu gira guhaladza gwanu, aholu mu nga girini guvivba ga vama vava kholu va hakhidwe ndrangani gwangu.”

Genesi 34:2

Avbo Sikemi, mwamana wa Hamori, Muhevhi a nga bani ari mwamangulu nya litigo lile, a nga wonago Dhina, a di mu pfinya a gu lala naye khu tshivba.

Varoma 3:8

Khu ginani hi si ganeligo khethu: “Hongoleni hi gira guvivba gasi guta nya sadi.” Kha nga va hi singedzago khavo khiso hi hevbudzago. Vathu vovo va na tsayiswa khu edzi gu vbwetegago khidzo.

Dhewuteronome 21:14

“Aholu a gumba gu tsakisa, u na mu diga a hongola khu gu dzina gwaye, kholu uwe u mwalo fanelo nya gu mu rengise khu dzitsapawu, ambari gu mu tshanisa, kholu u mu poyide.”

Valamuli 19:25

Aholu vama vale kha va nga dzumela gu mu yingisa, khu guralo, mwama wule a di dusa gibhayi gyaye vbavbandze. Avo va di mu pfinya, va mu sagarela wutshigu watshavbo kala gugya, ni mambagugya, va di mu diga a hongola.