Valamuli 18:9 - Bhibhiliya Nya Guage

⁹ Avo va di va hakha, khavo: “Hongoleni hi ya va dhumela! Kholu hi wonide nya gukhethu litigo lawe khyadi ngudzu. Khalani na mu tangade, ginani gi mu hwedzago? Mu nga khali migara, hongoleni hi ya li khozisa, hi li dzega.

Valamuli 18:9 Iomraidhean Croise

2 Samuweli 10:12

Tiya longo hi dwanela vathu ni madhoropa ya Nungungulu wathu; Pfhumu Nungungulu, a na gire iso a si wonago nari sadi mbeli gwaye.

1 Dzipfhumu 22:23

Pfhumu Nungungulu thede liphuvbo nya malipha kanani ga vaprofeti vago vatshavbo. Aholu Pfhumu Nungungulu tiviside libango li tago avbo gwago.

1 Dzipfhumu 22:3

Mufumeli wa Israyeli a di wudzisa dzindruna dzaye, khuye: “Kha mu dzitini nya gukhenu lidhoropa la Ramoti-Gileyadhi la gu lumba ethu, gani? Khu ginani hi si girigo gilo gasi hi li wandra ga mufumeli wa Siriya?”

Mitengo 13:30

Aholu Kalebi a di degudza vathu, kholu va di gu gorogela Mosi; a ganela, khuye: “Hongoleni, hi na ya dzega litigo lolo, kholu khu lisine hi na ya va pala.”

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Josuwa 18:3

Josuwa a di embela sanana sa Israyeli, khuye: “Gu na kala lini na mu nga gu khala mihuni guya dzega litigo eli Pfhumu Nungungulu wa vababe vanu a mi ningidego?

Valamuli 18:10

Avbo mu na guya vbohago, mu naya wona nya gukhenu, vathu va si thavigo gilo. Litigo lakone likhongolo ngudzu li anamide; gambe Nungungulu a li ningede mandzani gwanu, wulanga wu si hamugegigo gilo nya satshavbo si guromo tigoni!”

Valamuli 18:8

Avbo va nga bwelelago dhoropani ga Zora ni Esitaholi, va na gyawe va di va wudzisa, khavo: “Malosedzela muni mu hi wuyelago nawo?”

1 Samuweli 4:9

Tiyani longo, enu Vafilisitiya! Khalani vama, mu nga tshuka mu khala dzikhumbi dza Vahebheru, kha nga avo va gu dzikhumbi dzanu. Khu guralo, tiyani mu dwana nyimbi.”