Valamuli 18:4 - Bhibhiliya Nya Guage

⁴ Lidzaha lile li di va embeledzela iso li nga giredwago khu Mika, a va embela, khuye: “Uye a di nyi thola gu mu thumela kha nga muphasi nya mhamba.”

Valamuli 18:4 Iomraidhean Croise

Mavingu 28:21

Khandri gwadi gukhedza khu khovbe nya muthu, kholu khu gipandrenyana nya guhodza, muthu a ngu dzi kodza gu hambanisa nayo.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Ezekiyeli 13:19

Enu mu nyi ghohede vbakari ga vathu vangu, mu girela gu mana dzitshotanyana nya sivbila ni sipandryana nya gibaba, gasi gu songani mihefemulo yi ngamba yela gu songwa, mu vegedza mihefemulo yi gu mwalo fanelo nya guvbanye, mu liphela kharati vathu vangu va yingisa malipha yanu.”

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Mithumo 20:33

Eni gima kha nya dogorela gya muthu, mwendro dzitsapawu nya parata mwendro nya ndralama, ambari guambala gwa muthu.

1 Thimoti 3:3

Oyu a si dzi ningedzeligo wadwani, ambari gudwanisa, aholu, a kodzago gu timisela, a si vegigo likhulo, a siri mugoli nya dzitsapawu.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.

Valamuli 17:10

Khavbo avbo, Mika a di mu embela, khuye: Khala ni eni, u na khala babe wangu ni muphasi wangu nya mhamba, khu mwaga ni mwaga nyi na gu ninga likhumi singerengere nya parata, guambala ni gu gu hodzisa. Mulevhi a di bela.

Valamuli 17:12

Mika a di emisa lidzaha leli gu khala muphasi nya mhamba, li khala ndrangani ga Mika.

Valamuli 18:3

Na vari vbafuvbi ni ndrangani ya Mika, va dipwa lito la lidzaha lile nya Mulevhi, va di hidzimela va mu wudzisa, khavo: “Khu mani a nga gu resago avba? Gasi ginani u girago avba? Ginani u gu nagyo avba?”

Valamuli 18:5

Khavbo avbo, va di mu lomba, khavo: “A gu bani ari kharato, nga wudzisa ga Nungungulu gu lipfhumba hi gu nalo li na gimbila gwadi, gani?”