Valamuli 18:29 - Bhibhiliya Nya Guage

²⁹ Va di li thangisa lina la Dhani, kha nga babe wawe, a nga bani na gu ranwa gupwani khu Dhani, a nga velegwa khu Israyeli, khu gale ilo li di ranwa gupwani Layisi.

Valamuli 18:29 Iomraidhean Croise

Genesi 14:14

Abrama, na pwide gupwani mwanaye Loti modwe, a di somisa matshari sithumi saye nya gu si thembe, esi si velegedwego ndrangani gwaye, khu sayo nya mazana mararu ni likhumi na livbandre na vararu (308) vama, va gu bela ndzilani va tutumisa valala kala tigoni ga Dhani.

Genesi 30:6

Khavbo avbo, Rakeli a di ganela, khuye: “Nungungulu a nyi lamude, pwide lito langu a nyi ningide gyanana.” A di gi riya lina nya gupwani khu Dhani.

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

2 Samuweli 17:11

Khu guralo, eni nyi ngu gu laya gukheni tombanisa vatshavbo va na Israyeli, gukhugela Dhani kala Bherisebha na va tade kha nga lisengwe nya mafu nya fungu, uwe wurumba wago manega vbakari gwawe.

1 Dzipfhumu 15:20

Bheni-Hadhadhi a di yingisa magana ya Asa, a gu rumela dzindruna dzaye nya nyimbi dzi ya dhumela madhoropa ya Israyeli; va di phanga madhoropa ya Ijoni, Dhani, Abheli-Bheti-Mahaka ni gipandre gyatshavbo gya Kinereti, gumogo ni litigo la Nafitali.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Dhewuteronome 34:1

Mosi a di khuga khu mapanini ga Mowabhi a gwela gigomoni ga Nebhu, tshokhatunu nya gigomo gya Pisiga, gi nga khedzanago ni Jeriko. Pfhumu Nungungulu a di mu yeyedza litigo latshavbo, gukhugela Gileyadhi kala Dhani,

Josuwa 19:47

Litigo la na Dhani, li di ladzide liya vbavbandze nya mivbingano yawe kholu va na Dhani, va di dugide va ya dhumela lidhoropa la Lesemi, va li phanga va sasela vathu vakone, va khala umo avo, va li thangisa lina la babe wawe khavo; khilo Dhani.

Valamuli 18:7

Khavbo avbo, vama vale nya livbandre va di hongola kala vaya vboha Layisi, va diya wona nya gukhavo vathu va vbanyago ga ilo va khadzisegide gwadi va mwalo sigaradzo, mayelano khu mavbanyelo nya Vasidhoni, na va tengide ni gu tumbana; tigoni mule gwawe, gu di bani gu ngari mwalo mufumeli nya gu va fumele ambari gu va tshanisa guvbanyani gwawe. Va di guvbanya venga, gu diri mwalo limbe lihundzu li nga bani li va thurugisela.

Valamuli 20:1

Khavbo avbo, vatshavbo va na Israyeli va di duga va pwanana khu monyo moyo mbeli ga Pfhumu Nungungulu, gukhugela Dhani kala Bherisebha, gumogo ni litigo la Gileyadhi, dhoropani ga Misipa.