Valamuli 18:17 - Bhibhiliya Nya Guage

¹⁷ Aholu, avbo va nga gwelago vama vale nya livbandre, va nga bani va hongode vaya sola litigo, va di bela nyumbani, va dzega gifananiso nya guvatwe, efodhe, terafinisi ni gifananiso nya gupfhudwe, muphasi nya mhamba a di simama gu ema vbanyangwatunu, gumogo ni livbandre na limwedo mazana vama va nga bani va somide matshari nya nyimbi.

Valamuli 18:17 Iomraidhean Croise

Genesi 31:19

Kha nga Laboni a nga bani ari mwalo, na hongode aya gaya mawoya nya dzinvuta, Rakeli a diba vanungungulu nya dzinguluve dza babe waye.

Genesi 31:30

Olu u khugidego muphelo khu gu suva gaya ga babe wago, khu ginani u nyi bedego vanungungulu vangu?”

Ekisodha 32:20

Hwane nya ugo, a di dzega githombe gile nya mombe va nga bani va gi wumbide a gi vbisa, a gi kuya gi khala nguma a gi thela matini a ninga sanana sa Israyeli si sela.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 46:7

Va mu vbagara magatani gwawe, va gu gimbilagimbila naye, ni avbo va mu vegago a gu khala avbo nyamba dzi khuta; ambari va mu girela nombelo, uye kha phindruli gilo; gambe kha vbulugisi ni moyo musigaradzoni gwaye.

Ezekiyeli 21:21

Kholu mufumeli wa Bhabhiloni, a na ema vbamahandzakanyatunu, maphelotunu nya dzindzila dza dzimbili, gasi gu gira nyatumbatumbane; a na lodza siholoma saye, a wudzisa vanungungulu nya malipha, ni gu khedza mabindri nya sirengo nya miphaso.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Mikeya 5:13

Nyi na fuvisa vbakari gwago sifananiso sago nya guvatwe ni sihuru sago nya miphaso, uwe gima khu na khidzima gambe mbeli nya thumo nya mandza yago.

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 18:16

Vama vale nya livbandre na limwedo mazana va nga bani va somide matshari, nya sanana sa Dhani, va di emide vbanyangwatunu.

Valamuli 18:18

Avbo vama vale va nga bela nyumbani ga Mika, va dzega gifananiso nya guvatwe, efodhe, terafinisi ni gifananiso nya gupfhudwe, muphasi nya mhamba a di va wudzisa, khuye: “Ginani igyogyo mu girago?”

Valamuli 18:2

Va na Dhani va di rumela livbandre vama nya linyumba lawe, nya dzindrena, na va gu dugela dhoropani ga Zora ni Esitaholi, guya li sola ni gu li wona gwadi. Va di va embela, khavo: “Indrani mu ya sola gwadi litigo.” Vama vale va di vboha gigomoni gya Efrayimi vaya bela ndrangani ga Mika, va ya lala avbo.

Valamuli 6:31

Khu guralo, Jowasi a di embela vatshavbo va nga bani va mu wugela, khuye: “Enu mwa guvbweta gu vhikela giluvelo gya Bhahali, gani? Mwa guvbweta gu gi vbulugisa, gani? Uye a na gu gi dwanelago, a na songwa vbadzimindrutunu! Bhahali khu lisine naripwani a diri nungungulu, na dzi vhikede gikhati va nga khungumula giluvelo gyaye.”

1 Samuweli 19:13

Mikali a di dzega gifananiso nya nungungulu nya guvatwe mwendro gupwani (Terafi), a gi ladzisa vbadawutunu, a gi vega mihungotunu gikhuledzo nya mawoya nya phongo, a gi fenengedza khu volo.

1 Samuweli 4:11

Ngasa ya Nungungulu yi di wandrwa, gu songwa sanana sa sivili sa Eli, Hofini ni Fineya.