Valamuli 18:15 - Bhibhiliya Nya Guage

¹⁵ Khavbo avbo, va di phawuga, vaya bela nyumbani ga lidzaha nya Mulevhi, ndrangani ga Mika, va mu losa.

Valamuli 18:15 Iomraidhean Croise

Genesi 37:14

Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.

Genesi 43:27

Josefe a di va wudzisa guvbanya gwawe, a va embela, khuye: “Gu wani guvbanya ga babe wanu nya gikhosane mu nga nyi embelani limbe litshigu? A nga gu vbanya, gani?”

2 Dzipfhumu 4:26

Olu, khuga u mu khinga u mu wudzisa khuwe wa guta gwadi, gani? Mwama wago khwadi, gani? Mwanago nuye khwadi, gani?” Nyamayi a di hakha, khuye: “Hi ngari vadi.”

Johane 14:27

“Nyi ngu mi tshiyelani gurula, nyi ngu mi ningani gurula gwangu. Kha nyi ningi gurula kha nga idzo li ningago khidzo litigo. Mu nga garadzegini myonyo yanu, gambe mu nga thavi gilo.

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 18:16

Vama vale nya livbandre na limwedo mazana va nga bani va somide matshari, nya sanana sa Dhani, va di emide vbanyangwatunu.

1 Samuweli 17:18

Dzega gambe likhumi sibaba sesi nya gugirwe khu mahwe uya ningela muthangeli nya masotshwa yawe. U vbweta guti vandriyago va ngu wuga kharini, u nyi resela gitiviso.

1 Samuweli 17:22

Dhavhidhe a di diga iso a nga bani ari naso ga muthangeli nya sombo, a tutuma a hongola wulanga nya gudwanele avbo litunga, gasi gu yati vandriyaye vomo kharini.