Valamuli 18:14 - Bhibhiliya Nya Guage

¹⁴ Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 18:14 Iomraidhean Croise

Joba 3:2

A ganela, khuye:

Mavingu 19:27

Mwanangu, wa gu diga gu yingisa guhevbudzwa, dziti nya gukhuwe u na hambana ni magana nya guti u hevbudzidwego.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

Valamuli 18:13

Khu vbale, va di khuga vaya gigomoni gya Efrayimi, va vboha kala ndrangani ga Mika.

Valamuli 18:15

Khavbo avbo, va di phawuga, vaya bela nyumbani ga lidzaha nya Mulevhi, ndrangani ga Mika, va mu losa.

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.

1 Samuweli 14:28

Khavbo avbo, moyo nya musotshwa a di khuye: “Babe wago sambanyide ga vathu a ganela, khuye: A na vadwe wule muhuno a na hodzago guhodza. Khu guralo, vathu va garade ngudzu.”

1 Samuweli 19:13

Mikali a di dzega gifananiso nya nungungulu nya guvatwe mwendro gupwani (Terafi), a gi ladzisa vbadawutunu, a gi vega mihungotunu gikhuledzo nya mawoya nya phongo, a gi fenengedza khu volo.