Valamuli 17:5 - Bhibhiliya Nya Guage

⁵ Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

Valamuli 17:5 Iomraidhean Croise

Genesi 31:19

Kha nga Laboni a nga bani ari mwalo, na hongode aya gaya mawoya nya dzinvuta, Rakeli a diba vanungungulu nya dzinguluve dza babe waye.

Genesi 31:30

Olu u khugidego muphelo khu gu suva gaya ga babe wago, khu ginani u nyi bedego vanungungulu vangu?”

1 Dzipfhumu 12:31

Jerobhowamo a di vbaha siluvelo nya vanungungulu nya malipha musigomoni, a emisa vaphasi nya mhamba va vbakari nya vathu nya vanyalidede, va nga bani va siri sanana sa Levhi.

1 Dzipfhumu 12:32

A gira buzo khu litshigu nya likhumi na livbandre khu ngima nya livbandre na wuraru, nya gufanane ni buzo wu nga bani wu girwago tigoni ga Judha, a ningela miphaso vbagiluvelotunu. A di gira isoso tigoni ga Bheteli, avbo a nga phaselago simombyana a nga bani na si giride. A emisa gambe vaphasi nya mhamba umo nya siluvelo saye nya vanungungulu nya malipha.

Ezira 1:7

Mufumeli Kiro a di dusa nuye mikanvu ya Nyumbani ga Pfhumu Nungungulu, iyo yi nga phangwago khu Nabhukodhonosori Jerusalema, aya yi vega nyumbani ga vanungungulu vaye.

Ekisodha 24:5

A di rumela madzaha nya sanana sa Israyeli va ningela miphaso nya guvbiswe; va paya dzimombe, va gu ningela dzimhamba nya pwanano ga Pfhumu Nungungulu.

Ekisodha 28:15

U na gira gambe gikhweso gya vbakhanatunu gi yelago gu ambadwa gikhati nya gulamudwe mahungu, va na gi sona gwadi va gi mburisela khu mwendra nya nga oyu va giridego khuwo efodhe; u na gira khu ndralama; ni muvala nya nga wa damboni, ni giwunguwungu ni guvbyuga; wu na lugwa gwadi wu mburisedwa khu thumo nya wumeseri.

Ekisodha 28:4

Guambala va yelago gu sona khogu: Gikhweso gya vbakhanatunu, efodhe, ni gifenengelo nya gulaphe ni ngandzu nya gulugedwe khu wumburi, gihugu ni keka. Khugo ogu guambala va na girelago Aroni ni sanana saye, gasi va ema mbeli gwangu va gira wuphasi nya mhamba.

Ekisodha 29:9

U na hunga Aroni ni sanana saye khu mikeka u va ambagisa sihugu. Thumo nya wuphasi nya mhamba wu na lumba avo khu nayo kala gupindruga. Khidzo kharati u na wumbelago Aroni ni sanana saye.”

Isaya 44:13

Muvati a gu pima lipulango khu ngodzi, a dzega lapi a tsenena; a li vata khu mbato, na gu pima a gira gifananiso nya muthu nya gumbure ngudzu, khu hwane a gi vega nyumbani gwaye.

Ezekiyeli 21:21

Kholu mufumeli wa Bhabhiloni, a na ema vbamahandzakanyatunu, maphelotunu nya dzindzila dza dzimbili, gasi gu gira nyatumbatumbane; a na lodza siholoma saye, a wudzisa vanungungulu nya malipha, ni gu khedza mabindri nya sirengo nya miphaso.

Ezekiyeli 21:26

Mune Pfhumu Nungungulu a ngu ganela kharati, khuye: Tshula dzingandzu dzago ni gihugu nya wufumu; kholu olu khandridzosaye ni gale; gu na khusedzwa va nya gusolega, gutshiswa vbavbatshi va nya matshandza.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Mitengo 3:10

Aholu Aroni ni sanana saye, u na va leletela gukhuye va sayise wuphasi wawe, gani khu mani nyamayigo a na gu hidzimelago a na songwa.”

Vahebheru 5:4

Mwalo a dzi hathelago abune thumo wowu nya wuphasi nya mhamba, vbavbandze nya gu ranwe khu Nungungulu, kha nga Aroni a nga ranwago.

Valamuli 17:4

Khu guralo, Mika a di bweledza singerengere sile nya parata ga mayi waye, gasi uye a dusa mazana mavili singerengere nya parata aya si ningela ga mupfhuli a gira khiso gifananiso nya guvatwe nigyo nya gupfhudwe, gi ya khala nyumbani ga Mika.

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 18:24

Khavbo avbo, uye a di khuye: “Mu nyi dzegede vanungungulu vangu nyi nga dzi girela, gumogo ni muphasi wangu nya mhamba, mu hongola naye, olu ginani gi nga nyi tshalela?” Olu khu ginani mu nyi wudzisago, khenu: “Ginani u gu nagyo?”

Valamuli 18:30

Va na Dhani va di dzi emisela gifananiso gile nya guvatwe. Jonatane, mwamana wa Gerisoni, tugulu wa Manasi, gumogo ni sanana saye, va di khala vaphasi nya mhamba nya lihundzu la na Dhani, kala litshigu va nga modwa va vbagedwa va yiswa wugumbitunu.

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.

1 Samuweli 19:13

Mikali a di dzega gifananiso nya nungungulu nya guvatwe mwendro gupwani (Terafi), a gi ladzisa vbadawutunu, a gi vega mihungotunu gikhuledzo nya mawoya nya phongo, a gi fenengedza khu volo.

1 Samuweli 23:6

Avbo Abhiyatari, mwamana wa Ayimeleki, a nga thavelago ga Dhavhidhe, tigoni ga Keyila, a di relela ni keka nya miphaso mandzani gwaye.