Valamuli 17:3 - Bhibhiliya Nya Guage

³ Khu guralo, Mika a di bweledza singerengere sile nya likhumi na limwedo mazana (1.100) ga mayi waye; aholu mayi waye a di mu embela, khuye: “Khu mandzani gwangu, nyi ngu ningela gyuma gegi ga Pfhumu Nungungulu khu gipandre gya mwamana wangu, gasi gu gira gifananiso nya guvatwe, olu, nyi ngu gi bweledza gambe iyo gwago.”

Valamuli 17:3 Iomraidhean Croise

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ekisodha 20:4

U nga tshuki u dzi girela githombe nya guvatwe, mwendro gifananiso nya esi si guromo vbatshani, ndzadzini, mwendro nya esi si guromo vbavbatshi, mafuni, mwendro nya esi si guromo guetani nya mati, vbavbatshi nya mafu.

Ekisodha 34:17

U nga dzi gireli vanungungulu nya gupfhudwe khu sikete.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 66:3

Muthu a payago mombe, a ngu fanana ni oyu a songago muthu; oyu a payago nvutana a gira khiyo phaselo, a gu fanana ni oyu a tshomborosago thamo nya yimbwa; oyu a ningelago ningelo khu wuguvbi, a gu fanana ni oyu a ningelago khu novba nya khumba; uye a vbisago libani, a gu fanana ni uye a khozelago sifananiso. Kha nga olu avo va dzi hathedego dzindzila dzawe wurumba, mihefemulo yawe yi na tsakela silo nya gunyenyeze.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Levhi 19:4

Mu nga khozelini vanungungulu nya malipha, gambe mu nga dzi gireleni vanungungulu nya gupfhudwe khu sikete. Eni kheni Pfhumu Nungungulu wanu.

Johane 16:2

Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Dhewuteronome 12:3

mu na khungumulela siluvelo sawe, mu pilela madingo yawe, mu vbisa sihuru sa vanungungulu vawe, mu pandrelela sifananiso nya vanungungulu vawe nya dzisimbi nya gunyiviligiswe, mu futa lina lawe ga wulanga wule.

Dhewuteronome 27:15

Libango ga muthu a dzi girelago gifananiso nya guvatwe mwendro nya gupfhudwe, kholu manyala ga Pfhumu Nungungulu, gilo nya gugirwe khu thumo nya wumeseri, a gi vega gusihalani gasi gu gi khzela. Vathu vatshavbo va na hakha, khavo: “Amen!”

Valamuli 17:13

Khavbo avbo, Mika a di khuye: “Olu nyi ngu dziti nya gukheni Pfhumu Nungungulu a na nyi girela silo nya sadi, kholu nyi gu ni muphasi nya mhamba nya Mulevhi.”

Valamuli 17:2

a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”

Valamuli 17:4

Khu guralo, Mika a di bweledza singerengere sile nya parata ga mayi waye, gasi uye a dusa mazana mavili singerengere nya parata aya si ningela ga mupfhuli a gira khiso gifananiso nya guvatwe nigyo nya gupfhudwe, gi ya khala nyumbani ga Mika.

Valamuli 18:30

Va na Dhani va di dzi emisela gifananiso gile nya guvatwe. Jonatane, mwamana wa Gerisoni, tugulu wa Manasi, gumogo ni sanana saye, va di khala vaphasi nya mhamba nya lihundzu la na Dhani, kala litshigu va nga modwa va vbagedwa va yiswa wugumbitunu.

Valamuli 18:5

Khavbo avbo, va di mu lomba, khavo: “A gu bani ari kharato, nga wudzisa ga Nungungulu gu lipfhumba hi gu nalo li na gimbila gwadi, gani?”