Valamuli 17:2 - Bhibhiliya Nya Guage

² a di ganela ga mayi waye, khuye: “Gyuma nya likhumi na limwedo mazana (1.100) singerengere nya parata u nga bani u wandredwe u nga kala u ganela guvivba khu kotani nya igyo, kheni nyi gu nagyo.” Khavbo avbo, mayi waye a di mu embela, khuye: “Pfhumu Nungungulu a na gu kategise, mwanangu.”

Valamuli 17:2 Iomraidhean Croise

Genesi 14:19

a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama!

Nehemiya 13:25

Nyi di va vbenyela, nyi va vala, vambe nyi va veta ni gu va kulela ndzudzu nyi bwelo khavbo nyi va gurumedza gu sambanya khu lina la Nungungulu gukheni: “Mu nga lowodzisi sanana sanu nya sagadzyana ga madzaha yawe, ambari gu lowodzisa madzaha yanu dzimbiri dzawe, ambari gudzeganani navo enu.

Dzindzimo 10:3

Kholu muthu nya guvivbedwe khu monyo, a gu bhuma khu manavelo yaye nya guvivbe, muthu nya makolo a gu nyenya, a vala Pfhumu Nungungulu.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Mavingu 28:24

Uye a belago babe waye mwendro mayi waye, na gukhuye: “Khandri gighoho,” a na khala pari nya dzimbafa.

Jeremiya 48:10

“A na vadwe muthu wule a girago mihuni thumoni wa Pfhumu Nungungulu!” A na vadwe muthu wule a si vbaladzigo novba wa valala khu litshari laye!

Matewu 26:74

Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Varoma 9:3

Nyi di gu dogorela gu vadwa, givili gyangu gi dzudzugwa ni gu hambaniswa ni Kristo, nari gupwani iso sa gu dzi kodza gu phasedzela vandriyangu nya mavelego.

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

Dhewuteronome 27:16

Libango ga wule a vengago babe mwendro mayi waye. Vathu vatshavbo va na hakha, khavo: “Amen!”

2 Johane 1:11

Kholu, oyu a losago muthu nya guralo, a ngu hengela naye mithumoni gwaye nya guvivbe.

Valamuli 17:1

A diromo mwama moyo nya gupwani khu Mika wa gigomoni gya Efrayimi,

Valamuli 17:3

Khu guralo, Mika a di bweledza singerengere sile nya likhumi na limwedo mazana (1.100) ga mayi waye; aholu mayi waye a di mu embela, khuye: “Khu mandzani gwangu, nyi ngu ningela gyuma gegi ga Pfhumu Nungungulu khu gipandre gya mwamana wangu, gasi gu gira gifananiso nya guvatwe, olu, nyi ngu gi bweledza gambe iyo gwago.”

Valamuli 5:23

Li na vadwe lidhoropa la Merozi, gu ganela Ngilozi ya Pfhumu Nungungulu valani ngudzu vavbanyi vaye, kholu, kha vata phasedzela Pfhumu Nungungulu, gu phasedzela Pfhumu Nungungulu gu dwana ni valala vaye nya tshivba.

Rute 3:10

Bhowazi a di mu embela, khuye: “Pfhumu Nungungulu a na gu kategise mwanangu, u yeyedzide wuwadi avbo gwangu guvbindra guhegulani, kha wa vbweta madzaha, sisiwana mwendro va nya gufuma.

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.

1 Samuweli 14:28

Khavbo avbo, moyo nya musotshwa a di khuye: “Babe wago sambanyide ga vathu a ganela, khuye: A na vadwe wule muhuno a na hodzago guhodza. Khu guralo, vathu va garade ngudzu.”

1 Samuweli 15:13

Samuweli, a di hongola ga Sawule; Sawule a mu embela, khuye: “U na bongwe uwe khu Pfhumu Nungungulu; nyi yingiside magana ya Pfhumu Nungungulu.”

1 Samuweli 23:21

Sawule a di hakha, khuye: “Pfhumu Nungungulu a na mi kategise khu kotani nya gu nyi pweleni wusiwana.

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.