Valamuli 17:13 - Bhibhiliya Nya Guage

¹³ Khavbo avbo, Mika a di khuye: “Olu nyi ngu dziti nya gukheni Pfhumu Nungungulu a na nyi girela silo nya sadi, kholu nyi gu ni muphasi nya mhamba nya Mulevhi.”

Valamuli 17:13 Iomraidhean Croise

Mavingu 14:12

Yomo ndzila muthu a yi wonago khwatshi yi lulamide, aholu khu guhegisani yi mu yisa gufani.

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Matewu 15:13

Uye a di va hakha, khuye: “Simbo watshavbo wu ngamba yadwa khu Babe wangu a guromo Ndzadzini wu na sigudwa.

Matewu 15:9

Milombelo va nyi girelago khya malipha, kholu milayo va hevbudzago khya vathu.”

Johane 16:2

Vajudha va na mi tutumisani umo nya dzinyumba nya nombelo. Gi ngu vboha gikhati nya gu vatshavbo vale va na mi songago va na pimisa gukhavo va gu rungudza ni gu thumela Nungungulu.

Mithumo 26:9

Eni neni nyi di gu pimisa gukheni gu vbwetega gu dwana khu maphuvbo yatshavbo gasi gu fuvisa lina la Jesu, Munazarenu.

Valamuli 17:12

Mika a di emisa lidzaha leli gu khala muphasi nya mhamba, li khala ndrangani ga Mika.

Valamuli 18:1

Khu gikhati gyogyo, tigoni ga Israyeli, gu di bani gu ngari mwalo mufumeli, lihundzo la na Dhani, li di guvbweta litigo nya guvbahe umo li khala thomba yawe, kholu, kala ga gikhati gyogyo va di bani va si gu kavedwi litigo nya thomba yawe vbakari nya mahundzu ya Israyeli.

Valamuli 18:24

Khavbo avbo, uye a di khuye: “Mu nyi dzegede vanungungulu vangu nyi nga dzi girela, gumogo ni muphasi wangu nya mhamba, mu hongola naye, olu ginani gi nga nyi tshalela?” Olu khu ginani mu nyi wudzisago, khenu: “Ginani u gu nagyo?”