Valamuli 16:28 - Bhibhiliya Nya Guage

²⁸ Khavbo avbo, Samisoni a di rana Pfhumu Nungungulu, a ganela, khuye: “Uwe Pfhumu Nungungulu, nya gu gu lomba gukheni nyi alakanye! Uwe Nungungulu, nyi ngu lomba gukheni, nyi ninge gambe tshivba, gikhati gegi basi, u nyi gira gu nyi dzi phodzela ga Vafilisitiya, khu kotani nya maho yangu ya mavili.”

Valamuli 16:28 Iomraidhean Croise

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

Dzindzimo 10:12

Khuga u ema Pfhumu Nungungulu! Yeyedza tshivba yago! U nga divali sisiwana.

Dzindzimo 116:4

Aholu nyi di rana lina la Pfhumu Nungungulu, kheni: “Pfhumu Nungungulu, gira wuhindzi u nyi vbanyisa.”

Dzindzimo 143:12

Khu kotani nya wuhindzi wago, fuvisa valala vangu, mbembisa vatshavbo va nyi wugelago, kholu eni nyi githumi gyago.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Jeremiya 15:15

Uwe Pfhumu Nungungulu u ngu siti; nyi alakanye ni gu nyi phasa, nyi phodzele ga valala vangu, u nga va digi va nyi songa, khu kotani nya litimiselo lago navo; wona gukhuwe nya gu tshaniswa khu kotani nya lihaladzo nyi gu nalo nago.

Jona 2:7

Avbo hefemulo wangu wu nga bani wu tshimega, nyi di alakanya Pfhumu Nungungulu; nombelo wangu wu di gwela kala iyo gwago, nyumbani gwago nya gukatege.

2 Thimoti 4:14

Alesandre, mupfhuli nya dzisimbi a nyi hosede ngudzu; Pfhumu a na mu bweledzela mayelano ni mithumo yaye.

Vahebheru 11:32

Ginani nyi yelago gu ganela gambe? Gikhati gi rode, khu lisine nyi di gu vbweta gu ganela khu Gidheyoni, khu Bharaki, khu Samisoni, Jafeti, khu Dhavhidhe, khu Samuweli ni vaprofeti.

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”

Valamuli 15:18

Kha nga a nga bani na gupwa lidora nya likhongolo, a di lila ga Pfhumu Nungungulu a ganela, khuye: “U ningide gupala gogu nya gukhongolo khu mandzani ga githumi gyago. Ina, nyi ngu yela gufa khu lidora nyi thegela mandzani ga mahedheni yaya, gani?”

Valamuli 16:27

Nyumbani mule gu di tade khu vama ni vanyamayi, gu diromo gambe umomo vathangeli vatshavbo nya Vafilisitiya, khu vbatshani gakone gu diromo tanga nya mazana mararu magumi (3.000) vama ni vanyamayi, va nga bani va wona Samisoni na va hegisela.

Valamuli 16:29

Khavbo avbo, Samisoni a di mola madingo ya mavili ya vbakari, ma nga bani ma tiyisa nyumba ya nungungulu wawe. Libogo la nyamudye li mola limwedo, la nyambade li mola limbe,

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”