Valamuli 16:23 - Bhibhiliya Nya Guage

²³ Va di tombana vathangeli nya Vafilisitiya, va gira buzo nya guningele mhamba ga nungungulu wawe Dhagoni, kholu va di gukhavo: “Nungungulu wathu a hi ningide mandzani gwathu nala wathu Samisoni.”

Valamuli 16:23 Iomraidhean Croise

1 Dzikoronika 10:10

Matshari ya Sawule va diya ma vega nyumbani ga vanungungulu vawe, hungo waye va wu tshomega nyumbani ga nungungulu a ranwago gupwani Dhagoni.

Mavingu 24:17

U nga ghiyi khu guthega ga nala wago, gambe u nga nengeli khu gutshunganela gwaye;

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Mikeya 4:5

Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

1 Vakorinto 10:20

Ahihi, khandriso! Va nya mayigo, dzimhamba va ningelago dzinyumbani nya vanungungulu nya malipha, va gu phasela maphuvbo nya guvivbe, kha va phaseli Nungungulu. Eni kha nyi vbweti gukheni mu hengela ni maphuvbo nya guvivbe.

Valamuli 16:22

Aholu ndzudzu wa hungoni gwaye wu diya na wu gu dandra nyaluphye khu guvbiredza.

1 Samuweli 31:9

Va di pila hungo wa Sawule, va phanga matshari yaye; va di rumela myango tigoni gwatshavbo ga Vafilisitiya, ni gu bika mahungu nya maphya dzinyumbani ga vanungungulu wawe ni ga vathu vatshavbo va tigoni gwawe.