Valamuli 16:20 - Bhibhiliya Nya Guage

²⁰ A mu embela, khuye: “Samisoni, u nguta dhumedwa khu Vafilisitiya!” Uye a di khendzuga khu ligovbeni, na gu pimisa, khuye: “Nyi na duga nyi hongola gufanane nidzo nyi dzi vbulugisago khidzo mambe matshigu.” Aholu, kha nga dziti nya gukhuye Pfhumu Nungungulu a di mu digide.

Valamuli 16:20 Iomraidhean Croise

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Mitengo 14:9

Mu nga wugelini Pfhumu Nungungulu, gambe mu nga thavi vathu va tigoni mule, kholu, avo va na khala guhodza gwanu. Va mwalo wuthavelo kholu Pfhumu Nungungulu a na ni ethu. Mu nga va thavi!”

Matewu 17:16

Nyi di mu reside ga vapizane vago, aholu kha va dzi kodza gu mu hawulugisa.”

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

2 Vakorinto 3:5

Kha hi dzi kodzi gu ganela khethu ha gu gira esi khu mapimo yathu, ahihi; kholu mapimo yathu ma guta khu ga Nungungulu.

Dhewuteronome 32:30

Ga gu kodzega kharini muthu moyo basi a lundra likhumi mazana (1.000), ni vathu vavili va lundra likhumi magumi mazana (10.000) vathu? Kholu Muvhikeli wawe, ava digidego, Pfhumu Nungungulu a va rengiside ga valala.

Josuwa 7:12

Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu.

Valamuli 16:14

A di dzi hunga a dzi dzombedza vbalidingotunu, a embela Samisoni, khuye: “Samisoni, Vafilisitiya va nguta va ta gu dhumela.” Khavbo avbo, a di khendzuga ligovbeni a homola lidingo avbo nya dzimbobo nya gulugwe, gumogo ni gilugelo.

Valamuli 16:19

Dhalila a di ladzisa Samisoni marumbini gwaye, a ranisa mwama moyo, a ta mu gaya dzimbobo dzile nya livbandre na dzimbili dza hungoni gwaye. Dhalila a di phela gutshanisa Samisoni, kholu a di mu vbedzide tshivba.

Valamuli 16:21

Khavbo avbo, va di bela Vafilisitiya va ta mu mola, va mu polela maho, va mu dzega va relela naye Gaza, vaya mu hunga khu makhetshe mavili nya sugu, a tshindra sivbila pasoni.

Valamuli 16:3

Aholu, Samisoni a di lala kala vbakari nya wutshigu basi, khu hwane a di wuga a hongola nyangwani nya lidhoropa, aya sigula malimba ya mavili gumogo ni madingo yaye, a si rwala magatani a gwela naso tshokhatunu nya gigomo gi khedzanago ni Hebroni.

Valamuli 16:9

Va diromo vama va nga bani va sihade nyumbani ga Dhalila, uye a di mu rana khuye Samisoni, u ngu dhumedwa khu Vafilisitiya! Aholu, uye a di kavila dzingodzi nya wulaho a gira khwatshi a gu kavila khindra nya gikhwenga yi vbyago khu nilo. Khu guralo, mwalo a nga bani a guti umo yitago khumo tshivba yaye.

1 Samuweli 16:14

Liphuvbo la Pfhumu Nungungulu li di duga ga Sawule, a tshala a tshaniswa khu liphuvbo nya guvivbe, na li gu rumedwa khu Pfhumu Nungungulu.

1 Samuweli 18:10

Khu litshigu li landrelago, Sawule a di beledwa khu liphuvbo nya guvivbe nya gurumedwe khu Nungungulu, a di phela gu regerela mihamuhamu nyumbani gwaye, Dhavhidhe a di womba gitendre kha nga mambe matshigu. Khu gikhati gyogyo, Sawule a di pharide litshari mandzani,

1 Samuweli 18:12

Khavbo avbo, Sawule a di phela gu thava Dhavhidhe, kholu Pfhumu Nungungulu, a di mu digide, a ema ni Dhavhidhe.