Valamuli 16:2 - Bhibhiliya Nya Guage

² Gu di pwala ndruma ga vavbanyi va Gaza gupwani nya Samisoni vbohide tigoni gwawe. Wutshigu watshavbo va di vega dzighadhi, va di mu randrela khu vbanyangwatunu nya lidhoropa. Wutshigu watshavbo va di mu ghadha nyamba gira ligwaha, na va gukhavo: “Hi na mu khevisela kala gugya, gasi hi mu songa.”

Valamuli 16:2 Iomraidhean Croise

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 27:1

Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Luka 21:20

“Aholu mwa gu wona Jerusalema na gu randredwe khu dzinyimbi, dzitini nya gukhenu gu vbohide gumbemba gwaye.

Mithumo 23:15

Aholu enu tshanganani gumogo ni phatha mu ya lomba khenu hi resele Pawulo, gasi hi ta pwisisa gwadi mahungu yaye. Ethu hi na donga gu mu songa na si gu vbohi iyo gwanu.”

Mithumo 9:24

Aholu Sawule a di tiviswa. Ni malimba nya lidhoropa ma di ghadhwa wutshigu ni mihani, vafela gu mu songa.

Valamuli 15:18

Kha nga a nga bani na gupwa lidora nya likhongolo, a di lila ga Pfhumu Nungungulu a ganela, khuye: “U ningide gupala gogu nya gukhongolo khu mandzani ga githumi gyago. Ina, nyi ngu yela gufa khu lidora nyi thegela mandzani ga mahedheni yaya, gani?”

Valamuli 16:3

Aholu, Samisoni a di lala kala vbakari nya wutshigu basi, khu hwane a di wuga a hongola nyangwani nya lidhoropa, aya sigula malimba ya mavili gumogo ni madingo yaye, a si rwala magatani a gwela naso tshokhatunu nya gigomo gi khedzanago ni Hebroni.

1 Samuweli 19:11

Aholu Sawule a di rumela vathu guya ghadha ndrangani ga Dhavhidhe, gasi a mu songa vbadzimindrutunu; aholu Dhavhidhe, a di embedwa khu mwangadzi waye Mikali, khuye: “Wa gumba thava wutshigu wowu gasi guvbulugisa womi wago, mindru u nafa.”

1 Samuweli 23:26

Sawule a di gu gimbila khu limbe liphuvbo, Dhavhidhe gumogo ni masotshwa yaye va di thava khu limbe liphuvbo khu guvbiredza gasi gu vbuluga mandzani ga Sawule. Avbo Sawule ni masotshwa yaye va nga bani va randrela gu mola Dhavhidhe gumogo ni masotshwa yaye.