Valamuli 16:19 - Bhibhiliya Nya Guage

¹⁹ Dhalila a di ladzisa Samisoni marumbini gwaye, a ranisa mwama moyo, a ta mu gaya dzimbobo dzile nya livbandre na dzimbili dza hungoni gwaye. Dhalila a di phela gutshanisa Samisoni, kholu a di mu vbedzide tshivba.

Valamuli 16:19 Iomraidhean Croise

Muhevbudzi 7:26

Khu guhegisa nyi di wona gukheni: Egi gi pwisago ngudzu wuvi guvbindra lufu khu gu mana nyamayi nya vbiyaku. Kholu a gu sihalela vama nga musoti: Monyo waye i naphwi, mwama a gu hungwa khu dzingomondro nya mawogo yaye. Aholu avo va thavago Nungungulu va gu mu ndreyela, gasi sighohi sa gu modwa khuye.

Valamuli 16:18

Avbo Dhalila a nga wonago nya gukhuye a mu tulede monyo waye watshavbo, a di ruma vathu vaya rana vathangeli nya Vafilisitiya, a va embela, khuye: “Gwelani mute eno, kholu olu, uye a nyi tulede sihalo waye watshavbo.” Vathangeli nya Vafilisitiya va di gwela ga Dhalila, na va pharide dzitsapawu mandzani.

Valamuli 16:20

A mu embela, khuye: “Samisoni, u nguta dhumedwa khu Vafilisitiya!” Uye a di khendzuga khu ligovbeni, na gu pimisa, khuye: “Nyi na duga nyi hongola gufanane nidzo nyi dzi vbulugisago khidzo mambe matshigu.” Aholu, kha nga dziti nya gukhuye Pfhumu Nungungulu a di mu digide.