Valamuli 16:17 - Bhibhiliya Nya Guage

¹⁷ Khu guralo, uye a di mu lembedza sihalo waye, khuye: “Gukhugela nyi velegwa nyi si gu gaywi ndzudzu, kholu nyi Munaziri wa Nungungulu. Nya gu kala nyi gaywa ndzudzu wa hungoni gwangu, tshivba yangu yi na duga, nyi vbela, nyi khala nga mumbe muthu.”

Valamuli 16:17 Iomraidhean Croise

Mavingu 12:23

Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 13:3

Uye a si ganeligo ngudzu a gu sayisa womi waye, aholu uye nya mapongowongo, a gu dzi vangela lufu.

Mavingu 29:12

Mufumeli a golago gu yingisa malipha, dzindruna dzaye dzatshavbo, dzi na khala vathu nya guvivbedwe khu monyo.

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Mitengo 6:2

“Ganela ga va na Israyeli u va embela, khuwe: Muthu nya gukari, mwama mwendro nyamayi, a gu dzi hathela gu gira gisambanyo ga Pfhumu Nungungulu, a tumbisa guvbanya kha nga Munaziri,

Mitengo 6:5

Matshigu yatshavbo nya wunaziri waye, gima a nga vidwi hungoni gwaye khu gisingwana; kala ma gu tadzisega matshigu a dzi hathedego gu thumela Pfhumu Nungungulu, a na bani nari muthu a agidego, a na diga ndzudzu waye wu dandra.

Mithumo 18:18

Pawulo khade gikhati nya gulaphe Korinto, khavbo avbo a di vbangana vandruye a khilela ngalava a gu hongola Siriya. Prisila ni Akila va di mu bangaladza. A di dzi vila ndzudzu dhoropani ga Senkreya khu kotani nya gisambanyo a nga bani giride.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

Valamuli 16:16

Khu litshigu ni litshigu, Dhalila a di garadza Samisoni a mu vbedza tshivba khu magana yaye. Hefemulo waye wu di garadzega ngudzu nya gukhwatshi a nafa.

Valamuli 16:18

Avbo Dhalila a nga wonago nya gukhuye a mu tulede monyo waye watshavbo, a di ruma vathu vaya rana vathangeli nya Vafilisitiya, a va embela, khuye: “Gwelani mute eno, kholu olu, uye a nyi tulede sihalo waye watshavbo.” Vathangeli nya Vafilisitiya va di gwela ga Dhalila, na va pharide dzitsapawu mandzani.