Valamuli 16:15 - Bhibhiliya Nya Guage

¹⁵ Khavbo avbo, uye a di mu embela, khuye: “Khu ginani u gukhuwe u ngu nyi haladza, narigu monyo wago kha wu nyi tumbi. Olu nyondro tharu na wu gu nyi kanganyisa u si nyi embeli umo u manago tshivba yago nya yikhongolo.”

Valamuli 16:15 Iomraidhean Croise

Genesi 29:20

Jakobe khu gufela Rakeli, thumide livbandre na mivili myaga; aholu uye a di yi wona kha nga matshigu madugwana; kholu a di gu haladza ngudzu Rakeli.

2 Samuweli 16:17

Abhisalamo a di embela Husayi, khuye: “Ina khigyo githawo u gi ningago ga pari yago Dhavhidhe, gani? Khu ginani u ngamba longoloka naye?”

Nehemiya 6:4

Nyondro dzina na va gu nyi resela gilombo gya gimwegyo; aholu nyi di va ninga phindrulo ya mweyo.

Mavingu 2:16

Guti gu na gu vbulugisa ga nyamayi nya liphuphulu, ni oyu wa mambe mayigo, uye a sengedzelago khu magana yaye,

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Johane 14:15

“Mwa gu nyi gola, mu na vegedza milayo yangu.

Johane 15:10

Mwa gu vegedza milayo yangu, mu na simama lihaladzoni gwangu, kha nga eni nyi simamago lihaladzoni ga Babe wangu, kholu nyi nga vegedza milayo yaye.

Dhewuteronome 6:5

U na haladza Pfhumu Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

1 Johane 5:3

Kholu guhaladza Nungungulu khu gu sayisa milayo yaye; milayo yaye kha yi garadzi gu yi landrisa.

Valamuli 14:16

Khavbo avbo, ngadza Samisoni a di ya lila ga mwama waye, khuye: “Uwe nyi ngu gu wona nya gukheni khu nyi goli, gambe khu nyi haladzi, kholu u ningide tekatekane va na gyathu gasi va yi ninga phindrulo, nyamba phela khu gu nyi embela tshamuselo waye.” Uye a di mu embela, khuye: “Ambari babe ni mayi wangu nyi ngamba va pwadzela, khu ginani nyi na phelago khuwe nyi gu tshamusela?”

Valamuli 16:14

A di dzi hunga a dzi dzombedza vbalidingotunu, a embela Samisoni, khuye: “Samisoni, Vafilisitiya va nguta va ta gu dhumela.” Khavbo avbo, a di khendzuga ligovbeni a homola lidingo avbo nya dzimbobo nya gulugwe, gumogo ni gilugelo.

Valamuli 16:16

Khu litshigu ni litshigu, Dhalila a di garadza Samisoni a mu vbedza tshivba khu magana yaye. Hefemulo waye wu di garadzega ngudzu nya gukhwatshi a nafa.