Valamuli 16:13 - Bhibhiliya Nya Guage

¹³ Dhalila a di mu embela, khuye: “Kala nolu u nga gu nyi kanganyisa u nyi liphela, gasi olu, nyi embele wa gu yela gu hungwa khu hayi.” Uye a di mu embela, khuye: “Wa gu luga livbandre na dzimbili dzimbobo nya ndzudzu wa hungoni gwangu, u dzi luga khu dzingodzi va lugago khidzo, nyi na vbela tshivba nyi rereka nyi fanana ni mumbe muthu.” Khu guralo, uye na nga lade, Dhalila a di luga livbandre na dzimbili dzimbobo nya ndzudzu wa hungoni gwaye umo nya mwendra.

Valamuli 16:13 Iomraidhean Croise

Valamuli 14:17

Ngadza Samisoni, a di lila mbeli gwaye ndrani nya livbandre na mavili matshigu nya buzo. Khu guralo, khu litshigu nya livbandre na mavili a di mu ninga tshamuselo, kholu a di simama gu mu garadza. Khavbo avbo, uye a diya ninga tshamuselo va na gyawe.

Valamuli 16:10

Dhalila a di embela Samisoni, khuye: “U nyi poyide, u nyi embela malipha, nyi embele wa gu hungwa khu hayi.”

Valamuli 16:12

Dhalila a di dzega dzingodzi nya dziphya, a mu hunga khidzo, khu hwane a huwelela, khuye: “Samisoni, Vafilisitiya va nguta gu dhumela!” Vama va di sihade nyumbani. Aholu, uye a di kavila dzingodzi dza mawogoni gwaye kha nga khwatshi a gu kavila khindra.

Valamuli 16:14

A di dzi hunga a dzi dzombedza vbalidingotunu, a embela Samisoni, khuye: “Samisoni, Vafilisitiya va nguta va ta gu dhumela.” Khavbo avbo, a di khendzuga ligovbeni a homola lidingo avbo nya dzimbobo nya gulugwe, gumogo ni gilugelo.