Valamuli 15:7 - Bhibhiliya Nya Guage

⁷ Samisoni a di va embela, khuye: “Kha nga mu giridego esi, nyi ngu mi embelani kheni, kha nyi na nga bwelela nyamba dzi phodzela avbo gwanu.”

Valamuli 15:7 Iomraidhean Croise

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Valamuli 14:19

Khavbo avbo, Liphuvbo la Pfhumu Nungungulu li di mbaka ga Samisoni. Uye a di relela ga va na Asikaloni, a vboha aya songa magumararu vama vawe, a dzega dzingandzu dzawe aya ningela avo va nga ningago phindrulo nya tekatekane. Khu hwane a di tala khu giviti, a bwelela gaya ga babe waye.

Valamuli 14:4

Babe ni mayi waye va di si dziti nya gukhavo esi sa guta khu ga Pfhumu Nungungulu, kholu a di gu vbweta ndzila nya gusasele khiyo Vafilisitiya, kholu, khavo va nga bani na va khozisa va na Israyeli khu gikhati gyogyo.

Valamuli 15:6

Vafilisitiya va di wudzisa, khavo: “Khu mani a giridego silo sesi?” Va di va hakha, khavo: “Khu Samisoni, mwane wa Mutimini, kholu, va di dzega mwangadzi waye va mu ningela mubangaladzi waye.” Khavbo avbo, Vafilisitiya va di hongola vaya vbisa ngadza Samisoni gumogo ni babe waye.

Valamuli 15:8

A di va sasela nyambana gisiro nyamba va tsetsa, a songetela nya vangi, khu hwane a khuga a relela a ta khala phagoni nya giwindri gya Etani.