Valamuli 15:6 - Bhibhiliya Nya Guage

⁶ Vafilisitiya va di wudzisa, khavo: “Khu mani a giridego silo sesi?” Va di va hakha, khavo: “Khu Samisoni, mwane wa Mutimini, kholu, va di dzega mwangadzi waye va mu ningela mubangaladzi waye.” Khavbo avbo, Vafilisitiya va di hongola vaya vbisa ngadza Samisoni gumogo ni babe waye.

Valamuli 15:6 Iomraidhean Croise

Mavingu 22:8

Uye a yalago wuvivbi, a na vbwera tshanisa; ni ndronga a tshanisago khiyo vakwawe, yi na mu fanyegela.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Valamuli 12:1

Gu di rambwa vama va na Efrayimi guya nyimbitunu; va bela khu phuvbo ga Wuronga, va embela Jefiti, khavo: “Khu ginani avbo u nga ya dwana ni va na Amoni u ngamba hi ramba hi hongola nago? Khu guralo, hi na vbisa nyumba yago gumogo nago.”

Valamuli 14:15

Avbo gu nga vbindrago livbandre na mavili matshigu, va di embela ngadza Samisoni, khavo: “Gurumedza mwama wago a hi ninga tshamuselo nya tekatekane, wa gumba gira kharato, uwe ni va na gyanu hi na mi vbisa khu nilo. Mu di hi ranani gasi guta hi dzegelani iso si hi lumbago, na?”

Valamuli 15:5

a khondrisa mwenge a yi digeledza vbakari nya marembwe nya tirigu ya Vafilisitiya. Khu guralo, uye a di vbisa dzinyandra nya tirigu yi nga bani yi vbweridwe yi vegedzedwa, a vbisa gambe marembwe nya miuvha ni miolivha.

Valamuli 15:7

Samisoni a di va embela, khuye: “Kha nga mu giridego esi, nyi ngu mi embelani kheni, kha nyi na nga bwelela nyamba dzi phodzela avbo gwanu.”