Valamuli 15:2 - Bhibhiliya Nya Guage

² Babe wa mwangadzi waye a di mu embela, khuye: “Eni nyi di gu alakanya nya gukheni khu mu vbweti gambe; khu guralo, eni nyi mu ningede ga mubangaladzi wago. Khu mu woni nya gukhuwe nandra waye mburide ngudzu guvbindra uye, gani? Dzega uye a tshikhedza wulangani ga koma waye.”

Valamuli 15:2 Iomraidhean Croise

Genesi 38:14

Tamari a di tshula guambala nya wumalile, a gu fenengela hungoni, a dzi fumbela nyamba tidwa khu muthu, aya khala nyangwani ga Enayimi, ndzilani nya guye Timina, kholu a di gu dziti nya gukhuye namu waye Sela dandride, aholu Judha a di si gu mu ningi a khala mwangadzi waye.

Mithumo 26:9

Eni neni nyi di gu pimisa gukheni gu vbwetega gu dwana khu maphuvbo yatshavbo gasi gu fuvisa lina la Jesu, Munazarenu.

Valamuli 14:16

Khavbo avbo, ngadza Samisoni a di ya lila ga mwama waye, khuye: “Uwe nyi ngu gu wona nya gukheni khu nyi goli, gambe khu nyi haladzi, kholu u ningide tekatekane va na gyathu gasi va yi ninga phindrulo, nyamba phela khu gu nyi embela tshamuselo waye.” Uye a di mu embela, khuye: “Ambari babe ni mayi wangu nyi ngamba va pwadzela, khu ginani nyi na phelago khuwe nyi gu tshamusela?”

Valamuli 14:20

Ngadza Samisoni va di mu ningela ga pari yaye, yi nga bani yiri mubangaladzi waye nya dzegano.

Valamuli 15:3

Samisoni a di mu embela, khuye: “Olu eni nyi na bani nyiri mwalo nandru ga Vafilisitiya, va gu gu girela silo nya guvivbe!”