Valamuli 15:15 - Bhibhiliya Nya Guage

¹⁵ A di mana gihaya nya buru nya gu bani yi ngari gufa, a gi rola a sasela khigyo likhumi mazana (1.000) vama.

Valamuli 15:15 Iomraidhean Croise

2 Samuweli 23:8

Aya khu malina nya dzindrena dzi nga bani dziri ni Dhavhidhe a gu aya: Josebi-Bhasebheti, mwamana wa Takemoni, khuye a nga bani ari muthangeli nya guphele nya dzindrena dzitharu; uye a diri uye Adhinu, Muezini a nga wugela livbandre na mararu mazana (800) vama, a va sasela khu gumogo.

Levhi 26:7

Mu na lundra valala vanu, mu va songa khu matshari mbeli gwanu.

Levhi 26:8

Livbandre vama nya va na gyanu, va na lundra lizana (100) ya valala, lizana nya va na gyanu, va na lundra likhumi magumi mazana (10.000); valala vanu va na songetedwa mbeli gwanu khu matshari.

Vahebheru 11:34

Va di tshima nilo nya tshivba, va vbuluga gu songwa khu matshari. Va diri mwalo tshivba, aholu, va khade va nya tshivba. Va khade dzindrena litungani, va pala mabutho ya va nya guta.

Josuwa 23:10

Muthu moyo basi wa na gyanu a na lundra likhumi mazana (1.000) vama, kholu Pfhumu Nungungulu wanu, khuye a dwanago khu enu, kha nga a mi tumbisidego.

Valamuli 15:16

A ganela, khuye: Khu gihaya nya buru, nyi va giride matala, khu gihaya nya buru nyi songide likhumi mazana (1.000) vama.

Valamuli 15:17

Avbo a nga vbedzago gu ganela, a di dzudzuga gihaya gyogyo. Wulanga wowo, a di wu riya khuye Ramati-Lehi.

Valamuli 3:31

Hwane ga Ewudhi, gu di landrela Sangari, mwamana wa Anati, a nga songago livbandre na limwedo mazana (600) vama nya Vafilisitiya khu ndrombo nya dzimombe. Uye nuye a di tshudzisa va na Israyeli.

Valamuli 4:21

Khavbo avbo, Jayeli, mwangadzi wa Hebheri, a di dusa simbo nya tshatsha a rola gikhokhotho, a mu vandramela na lade ligovbe nya likhongolo, aya mu paya vbagiwombotunu, a khokhotha khu gikhokhotho kala simbo wu vbondza vbavbatshi, afa.

Valamuli 7:16

A di kabanisa vama vava nya mazana mararu (300) khu sikwata siraru; gimwegyo ni gimwegyo a di gi pharisa mandzani mipundru ni mikanvu nya maphanga, na yiri ni myenge ndrani gwaye.

1 Samuweli 14:14

Gupala gogu nya guhegule, Jonatane ni muphari nya matshari yaye, va di songa vbafuvbi ni gu enedza tengo nya magumavili vama, a gu gipandre nya mafu nya guenedze likhumi na mavili mazana mikono.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”