Valamuli 14:20 - Bhibhiliya Nya Guage

²⁰ Ngadza Samisoni va di mu ningela ga pari yaye, yi nga bani yiri mubangaladzi waye nya dzegano.

Valamuli 14:20 Iomraidhean Croise

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Johane 13:18

“Kha nyi thuli enu mwatshavbo, nyi ngu vati avo nyi va hathidego, aholu nya gu ganela kharati gasi gutadzisega milowo, yi gu, khiyo: ‘Uye nyi hodzago naye mbiya mweyo a nyi wugede.’

Johane 3:29

Buzoni nya dzegano mudzegi khuye a gu ni mwangadzi gasi phelegedzi ya mudzegi, a gu iyo yi mu bangaladzago ni gu mu yingisa, ya gupwa lito la mudzegi ya gu tsaka ngudzu. Khilo eli litsako langu nya guvbelele.

Valamuli 15:2

Babe wa mwangadzi waye a di mu embela, khuye: “Eni nyi di gu alakanya nya gukheni khu mu vbweti gambe; khu guralo, eni nyi mu ningede ga mubangaladzi wago. Khu mu woni nya gukhuwe nandra waye mburide ngudzu guvbindra uye, gani? Dzega uye a tshikhedza wulangani ga koma waye.”

Valamuli 15:6

Vafilisitiya va di wudzisa, khavo: “Khu mani a giridego silo sesi?” Va di va hakha, khavo: “Khu Samisoni, mwane wa Mutimini, kholu, va di dzega mwangadzi waye va mu ningela mubangaladzi waye.” Khavbo avbo, Vafilisitiya va di hongola vaya vbisa ngadza Samisoni gumogo ni babe waye.

1 Samuweli 18:19

Aholu avbo gi nga vboha gikhati Merabhi nyamahegyane wa Sawule, a nga vbweta gu ningedwa Dhavhidhe, Merabhi a di ningedwa a khala ngadza Adhiriyeli, Mumeyoli.