Valamuli 14:17 - Bhibhiliya Nya Guage

¹⁷ Ngadza Samisoni, a di lila mbeli gwaye ndrani nya livbandre na mavili matshigu nya buzo. Khu guralo, khu litshigu nya livbandre na mavili a di mu ninga tshamuselo, kholu a di simama gu mu garadza. Khavbo avbo, uye a diya ninga tshamuselo va na gyawe.

Valamuli 14:17 Iomraidhean Croise

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Joba 2:9

Mwangadzi waye a di mu embela, khuye: “Gwa gu phasa ginani gu simama gululamani? Vala Nungungulu, ufe.”

Mavingu 7:21

A di li kanganyisa khu magana yaye nya gutale, a mu ndrindredzela khu magana nya gulombele.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Luka 11:8

Dzitini nya gukhenu, ambari na si dzini gu wuga a mu ninga sibaba khu kotani nya wupari wawe, a na kala a wuga khu kotani nya gupwe gugoroswa khuye, a mu ninga satshavbo a si nago.

Valamuli 14:16

Khavbo avbo, ngadza Samisoni a di ya lila ga mwama waye, khuye: “Uwe nyi ngu gu wona nya gukheni khu nyi goli, gambe khu nyi haladzi, kholu u ningide tekatekane va na gyathu gasi va yi ninga phindrulo, nyamba phela khu gu nyi embela tshamuselo waye.” Uye a di mu embela, khuye: “Ambari babe ni mayi wangu nyi ngamba va pwadzela, khu ginani nyi na phelago khuwe nyi gu tshamusela?”

Valamuli 14:18

Khu guralo, vathu va dhoropani mule, va di mu embela khu litshigu nya livbandre na mavili, lidambo li si gu pfoli, khavo: “Ginani gi lombelago guvbindra wulombe? Ginani gi gu ni tshivba guvbindra nghala?” Samisoni a di va hakha, khuye: “Naripwani kha mu nga limani khu gimombyana gyangu nya nyamayi, gima na mu sa yi mana phindrulo nya tekatekane.”

Valamuli 16:13

Dhalila a di mu embela, khuye: “Kala nolu u nga gu nyi kanganyisa u nyi liphela, gasi olu, nyi embele wa gu yela gu hungwa khu hayi.” Uye a di mu embela, khuye: “Wa gu luga livbandre na dzimbili dzimbobo nya ndzudzu wa hungoni gwangu, u dzi luga khu dzingodzi va lugago khidzo, nyi na vbela tshivba nyi rereka nyi fanana ni mumbe muthu.” Khu guralo, uye na nga lade, Dhalila a di luga livbandre na dzimbili dzimbobo nya ndzudzu wa hungoni gwaye umo nya mwendra.

Valamuli 16:16

Khu litshigu ni litshigu, Dhalila a di garadza Samisoni a mu vbedza tshivba khu magana yaye. Hefemulo waye wu di garadzega ngudzu nya gukhwatshi a nafa.

Valamuli 16:6

Khavbo avbo, Dhalila a di wudzisa Samisoni, khuye: “Nya gu lomba gukheni u nyi embele avbo yi dugelago avbo tshivba yago nya yikhongolo, mahungelo muni va yelago gu gu hunga khayo?”