Valamuli 13:8 - Bhibhiliya Nya Guage

⁸ Khavbo avbo, Manowa a di lombelela khu tshivba ni tshivba ga Pfhumu Nungungulu a ganela, khuye: “Oh! Pfhumu yangu, nyi ngu lomba gukheni muthu wa Nungungulu, u mu rumedego, a nate gambe avbo gwathu, a ta hi hevbudza iso hi yelago gu gira khu gyanana gi na velegwago.”

Valamuli 13:8 Iomraidhean Croise

Joba 34:32

Nyi yeyedze esi nyi gumba si wona; nya gu bani nyi ghohide, kha nyi na engedza gambe.

Mithumo 9:6

ambari ulo khuga u bele dhoropani, va na gu embela esi u fanedego gu gira.”

Valamuli 13:11

Khavbo avbo, Manowa, a di khuga a landra mwangadzi waye, aya vboha ga mwama wule a mu wudzisa, khuye: “Khuwe mwama wule u nga ganelago ni mwangadzi wangu, gani?” Uye a di hakha, khuye: “Kheni kamwe.”

Valamuli 13:3

Ngilozi ya Pfhumu Nungungulu yi di wonega ga nyamayi yoyu, yi mu embela, khiyo: “Nyi ngu gu wona gukheni u gyumba gima u si gu khuri mimba; gasi olu u na khura mimba u velega gyanana nya gikhwathana.

Valamuli 13:6

Khavbo avbo, nyamayi wule a diya embeledzela satshavbo mwama waye, khuye: Dzude muthu wa Nungungulu avbo gwangu, khovbe yaye a di fanana ni ngilozi nya guthavisege ya Nungungulu, kha nya mu wudzisa kheni a gu dugela hayi, ambari uye kha nyi embela lina laye.

Valamuli 13:7

Aholu uye a di nyi embela, khuye: “Nyi na khura mimba nyi velega gyanana nya gikhwathana; gasi olu, khuye nyi nga seli vbinyu ambari gu sela wadwa nya guvave, ambari guhodza gilo nya gunyenyeze, kholu gyanana gi na bani giri Munaziri, gi phasedwe Pfhumu Nungungulu, gukhugela ndrani ga mayi waye kala litshigu nya gufe gwaye.”

Valamuli 13:9

Nungungulu a di yingisa lito la Manowa, khavbo avbo, Ngilozi ya Nungungulu yi di engedza yita gambe ga mwangadzi waye nari mahangeni, aholu mwama waye Manowa a diri mwalo.