Valamuli 13:1 - Bhibhiliya Nya Guage

¹ Va na Israyeli va di engedza va gira silo nya guvivbe mahoni ga Pfhumu Nungungulu, Pfhumu a di va ningela mandzani ga Vafilisitiya gipimo nya magumana myaga.

Valamuli 13:1 Iomraidhean Croise

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Varoma 2:6

Nungungulu a na hakhisa muthu ni muthu maningano ni mithumo yaye.

Vahebheru 11:32

Ginani nyi yelago gu ganela gambe? Gikhati gi rode, khu lisine nyi di gu vbweta gu ganela khu Gidheyoni, khu Bharaki, khu Samisoni, Jafeti, khu Dhavhidhe, khu Samuweli ni vaprofeti.

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 10:7

khu guralo, likhulo la Pfhumu Nungungulu li di khondrela va na Israyeli, a va rengisa mandzani ga Vafilisitiya ni mandzani ga sanana sa Amoni.

Valamuli 12:15

Khavbo avbo, Abhidhomi, mwamana wa Hileli, a difa, aya dzingwa Piratomi, tigoni ga Efrayimi, gigomoni gya Vaamaleki.

Valamuli 14:4

Babe ni mayi waye va di si dziti nya gukhavo esi sa guta khu ga Pfhumu Nungungulu, kholu a di gu vbweta ndzila nya gusasele khiyo Vafilisitiya, kholu, khavo va nga bani na va khozisa va na Israyeli khu gikhati gyogyo.

Valamuli 15:11

Khavbo avbo, gu di duga magumararu mazana (3.000) vama va na Judha, va relela phagoni nya giwindri gya Etani vaya embela Samisoni, khavo: “Ina uwe khu dziti gilo nya gukhuwe Vafilisitiya va ngu hi fumela, gani? Khu ginani u hi giredego silo nya nga esi?” Aholu, uye a di va embela, khuye: “Iso va nga nyi girelago, khiso neni nyi va giredego.”

Valamuli 15:20

Samisoni khade mulamuli wa Israyeli, gipimo nya magumavili myaga gikhati gya Vafilisitiya.

Valamuli 2:11

Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 3:7

Va na Israyeli va di gira ugo guvivbidego mahoni ga Pfhumu Nungungulu wawe, va khozela Vabhahali ni sihuru sa Asitaroti.

Valamuli 4:1

Hwane nya gufe gwa Ewudhi, va na Israyeli va di engedza gu gira ugo guvivbidego mahoni ga Pfhumu Nungungulu.

Valamuli 6:1

Va na Israyeli va di gira silo nya guvivbe mahoni ga Pfhumu Nungungulu; Uye a di va ningela mandzani ga Vamedhiyani gipimo nya livbandre na mivili myaga

1 Samuweli 12:9

Aholu, avo va di divaledwa khu Pfhumu Nungungulu wawe; khavbo avbo, uye a di va ningela mandzani ga Sisera, muthangeli nya nyimbi ya Hazori, ni mandzani ga Vafilisitiya, ni mandzani ga mufumeli wa Mowabhi, avo va nga va saselago.

1 Samuweli 4:9

Tiyani longo, enu Vafilisitiya! Khalani vama, mu nga tshuka mu khala dzikhumbi dza Vahebheru, kha nga avo va gu dzikhumbi dzanu. Khu guralo, tiyani mu dwana nyimbi.”

1 Samuweli 7:13

Khu kharati, Vafilisitiya va di poyidwa; avo gima kha va nga wuya gambe vata bela tigoni ga Israyeli, kholu Pfhumu Nungungulu a di va sasela khu mandza gyaye matshigu yatshavbo nya guvbanye ga Samuweli