Valamuli 12:6 - Bhibhiliya Nya Guage

⁶ va di mu embela, khavo: “Ganela khuwe xibolete.” Aholu uye a di khuye sibolete, kholu va na Efrayimi va di si kodzi gutshamusela gwadi magana yaya; khavbo avbo, va di mu mola va mu pila ngolo tshatugo ga Joridhani; khu gikhati gyogyo, gu di songwa magumana na mavili magumi mazana (42.000) vama va na Efrayimi.

Valamuli 12:6 Iomraidhean Croise

Dzindzimo 69:15

Nyi nga ndrindrwi khu mati nya nondrwa, u nga nyi digi nyi midzwa khu liphala nya guete, u nga dzumeli gukhuwe likana nya nambo li segega vbatshani gwangu.

Dzindzimo 69:2

Nyi ngu dzama phalani nya maraga, gu mwalo ni wulanga nya gugandre; nyi rinyidwe nandwani nya mati nya guete, mati ma ngu nyi langaladza nyi ngu ndrindrwa khu mwedzi.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 18:19

Guphasa ndriyago a gorogidego, gu lemede ngudzu guvbindra gupfhungumula lidhoropa li bhiyidwego khu likhokhola; mayunga ma gu fanana ni sikwinyaro nya likhokhola.

Muhevbudzi 10:12

Magana ya muthu nya guti ma ngu tsakisa, aholu magana ya gipumbu ma gu gi tshipisa.

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Matewu 12:25

Na wonide mapimo yawe, Jesu a di va hakha, khuye: “Mufumo watshavbo wu dzi kabanisago khu mitsawa yi wugelana khu gyawe, mufumo wowo kha wu yi danga; lidhoropa latshavbo, mwendro ndranga yi dzi kabanisago khu mitsawa yi wugelana khu gyawe, kha yi dzi kodzi gupindruga.

Matewu 26:73

Khavbo avbo, a di hidzimeledwa khavo va nga bani varomo vbale, va mu embela, khavo: “Khu lisine uwe u moyo wawe, kholu ni maganelelo yago ma ngu gu thuledza.”

Marko 14:70

Aholu, uye a di danga nya wuvili. Khadukhadu, vale va nga bani varomo vbale va di embela Pedro, khavo: “Khu lisine a nuwe u moyo wawe, kholu u Mugalilewu nuwe.”

Vagalatiya 5:15

Aholu enu mwa gu vbanya nga sirengo, mu gu hodzana ni gu bayisana, dzi woneleni, mu nga hegisa khu gu vbedzana khu gyanu.

Valamuli 12:5

Va na Gileyadhi, va di lundra va na Efrayimi vaya sega dzindzila nya gutshatuge tsongo wa Joridhani. Avbo, moyo wa na Efrayimi a gu tutuma a ta, khuye: “Nya gu lomba guvbindra,” va na Gileyadhi va di mu wudzisa, khavo: “Uwe u wa na Efrayimi, gani?” A gu phindrula, khuye: “Ahihi,”

Valamuli 12:7

Jefiti a di lamula va na Israyeli livbandre na moyo myaga. Khavbo avbo, Jefiti nya Mugileyadhi, a difa, aya dzingwa dhoropani ga Gileyadhi.