Valamuli 11:5 - Bhibhiliya Nya Guage

⁵ Va na Amoni kha nga va nga bani va gu dwana ni Israyeli, vathangeli va Gileyadhi va di hongola vaya dzega Jefiti tigoni ga Tobhi.

Valamuli 11:5 Iomraidhean Croise

2 Samuweli 10:6

Avbo va na Amoni va nga wonago gukhavo va vbahide livengo ga Dhavhidhe, avo va di rumela myango gu ya ramba magumavili magumi mazana (20.000) vama nya Vaasiriya va Bheti-Rehobhi, ni Vaasiriya va Zobha, ni likhumi mazana (1.000) vama va mufumeli wa Mahaka, ni likhumi na mavili magumi mazana (12.000) va mufumeli wa Tobhi.

2 Samuweli 10:8

Va na Amoni va di duga va ya fola ni matshari yawe khu vbanyangwatunu, aholu Vaasiriya va Zobha ni Reyobhi ni vama va Tobhi, ni va Mahaka, va di ema khu vbavbandze.

Valamuli 10:9

Ni va na Amoni navo va di tshatuga tsongo wa Joridhani, gasi guya dwana ni va na Judha, ni va na Bhejami, ni nyumba ya Efrayimi; va na Israyeli va di manega gutshanisekani nya gukhongolo ngudzu.

Valamuli 11:4

Na gu vbindride matshigu nya gukari, va na Amoni va di ya dwana ni va na Israyeli.

Valamuli 11:6

Va di mu embela, khavo: “Delu, khala uwe muthangeli wathu nya nyimbi, gasi hi kodza guya dwana ni va na Amoni.”

1 Samuweli 10:27

Aholu vathu nya guvivbedwe khu monyo, va di ganela, khavo: “A na dzi kodza kharini gu hi vbulugisa mwama yoyu?” Va di mu kanyisa va si dzumeli gu dusa miningelo va mu luva. Aholu Sawule kha nga khathala khavo.

1 Samuweli 11:12

Khavbo avbo, va na Israyeli va di embela Samuweli, khavo: “Khu vamani vale va nga bani va ganela, khavo: Sawule kha na hi fumela? Va rese eno, hita va songa.”