Valamuli 11:34 - Bhibhiliya Nya Guage

³⁴ Gikhati Jefiti a vbohidego ndrangani gwaye Misipa, gu di duga nyamahegyane waye a mu khinga nari ni singomana, na gu hana, nyamahegyane yoyu a diri gyanana gyaye gya gimwegyo avbo ga Jefiti, uye a diri mwalo gimbe gyanana nya gikhwathana mwendro nya gyagadzyana.

Valamuli 11:34 Iomraidhean Croise

2 Samuweli 6:14

Dhavhidhe a di hana khu tshivba yaye yatshavbo mbeli ga Pfhumu Nungungulu na ambade efodhe nya seda.

Dzindzimo 150:4

Mu dhumiseni khu dzingoma ni guhana; mu dhumiseni khu mihwambi ni misengele.

Dzindzimo 68:25

Vaembeleli nya dzindzimo va thangide mbeli, khu hwane va landrela vawombi nya sitendre, khu vbakari si fode sagadzyana nya makendzi, na si gu womba mitandrandra.

Ekisodha 15:20

Khavbo avbo, Miriyamu, nyamayi nya muprofeti, ndruye wa Aroni, a di phara tandrandra mandzani, vanyamayi vatshavbo va di duga vbavbandze ni mitandrandra yawe, va hana.

Jeremiya 31:13

Vanyamahegyane va na hana dzingoma khu gutsaka, gumogo ni madzaha ni sikhosane; nyi na vbindrugedza gulila gwawe khu litsako, gambe nyi na va tangadzisa; nyi vbindrugedza gutshaniseka gwawe khu gunengela.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Luka 7:12

Na va gu vboha dhoropani, va di kotsana ni muthu a nga bani a guya dzingwa, a diri gyanana gya gimwegyo gya mayime moyo nya noni. Va diromo vathu nya vangi va dhoropani mule va nga bani va gu hongola navo, na va gu bangaladza malile wule.

Luka 8:42

kholu a diri ni nyamahegyane wa moyo, nya likhumi na mivili myaga, a nga bani a gu dwala nya guhadza gufa. Vbakari nya ndzila, kha nga olu vathu va nga bani vari vangi, Jesu a di gundrwa maphuvbo yatshavbo.

Luka 9:38

Vbakari gwawe a di duga mwama a nga khusedza lito, a lomba na gulumela, khuye: “Muhevbudzi, nyi ngu gu lomba gu, uta wona mwamana wangu, a gu uye wa moyo basi nyi gu naye.

Josuwa 18:26

Misipa, Sefira, Mosa,

Valamuli 10:17

Va na Amoni va di rambana, vaya tshangana Gileyadhi, va na Israyeli va di tshangana vaya zumba Misipa.

Valamuli 11:11

Khu guralo, Jefiti a di hongola gumogo ni vathangeli va Gileyadhi, vathu va di mu gira muthangeli ni mugimbidzisi wawe nya nyimbi. Jefiti a di engedza gu ganela magana yaye yatshavbo a nga bani a ma ganede mbeli ga Pfhumu Nungungulu tigoni ga Misipa.

Valamuli 20:1

Khavbo avbo, vatshavbo va na Israyeli va di duga va pwanana khu monyo moyo mbeli ga Pfhumu Nungungulu, gukhugela Dhani kala Bherisebha, gumogo ni litigo la Gileyadhi, dhoropani ga Misipa.

Valamuli 21:21

mu virela vambe va Silo, va na tago guta hana, muthu ni muthu wa na gyanu a na duge khu thembweni a ta dzi molela nyamayi vbakari ga vanyamahegyane va Silo; khavbo avbo, mu na bwelela tigoni gwanu ga Bhejami.