Valamuli 11:2 - Bhibhiliya Nya Guage

² Mwangadzi wa Gileyadhi a di mu velegela nuye sanana, iso gikhati si dandridego si di tutumisa Jefiti, si ganela, khiso: “Uwe khu na hakha ni mweyo thomba ya ndrangani gwathu, kholu, u gyanana gya mumbe mayi.”

Valamuli 11:2 Iomraidhean Croise

Genesi 12:10

Gu di manega ndzala tigoni mule, Abrama a di thavela tigoni ga Egipito, aya vbanya iyo gikhati nya gukari, kholu, ndzala yi diri yikhongolo ngudzu.

Genesi 21:10

A di embela Abrahama, khuye: “Tutumisa githumi gegi ni gyanana gyaye, kholu gyanana gya githumi kha gi na nga khala muhodzi nya thomba gumogo ni gyanana gyangu Isaki.”

Mavingu 2:16

Guti gu na gu vbulugisa ga nyamayi nya liphuphulu, ni oyu wa mambe mayigo, uye a sengedzelago khu magana yaye,

Mavingu 5:20

Mwanangu, khu ginani u sengedzedwago khu nyamayi nya gibhayi? Khu ginani u wugarelana ni nyamayi nya liphuphulu?

Mavingu 5:3

Kholu sigundruni ga nyamayi nya liphuphulu gu dota wulombe, ni kanani gwaye gu duga magana nya gukwirige guvbindra mafura.

Vagalatiya 4:30

Gasi Milowo nya Guage yari khiyo ginani? Yari, khiyo: Tutumisa nyamayi nya khumbi ni gyanana gyaye, kholu gyanana nya khumbi kha gi na hodza thomba gumogo ni gyanana gya mwangadzi nya lisine.

Dhewuteronome 23:2

Muthu wule a velegidwego wubhayini a nga dzumedziswi gu bela tshanganoni wa Pfhumu Nungungulu; ambari ni situgulwana saye kala gitugulwana nya likhumi, kha va na bela tshanganoni wa Pfhumu Nungungulu.

Valamuli 11:1

Jefiti, Mugileyadhi, a diri ndrena nya gudwane nyimbi, mayi waye a diri liphuphulu; babe waye a di gu ranwa pwani khuye Gileyadhi.

Valamuli 11:3

Khavbo avbo, Jefiti a di thava mbeli ga vandriyaye aya vbaha dhoropani gwa Tobhi; vama nyamba phasa gilo va di ya dzi pata gwaye va gimbilagimbila gumogo naye.