Valamuli 11:13 - Bhibhiliya Nya Guage

¹³ Mufumeli wa va na Amoni a di phindrula myango ya Jefiti, khuye: “Gikhati va na Israyeli va dzudego khu Egipito, va di ta wandra mayigo yangu, gukhugela Arinoni kala Jabhoki, va vboha gambe ni Joridhani. Olu nyi bweledzeleni mayigo yoyo khu gurula.”

Valamuli 11:13 Iomraidhean Croise

Genesi 32:22

A di wuga ni wutshigu wowo a dzega vagadzi vaye va vavili, sithumi saye sa sivili nya vanyamayi ni sanana saye nya likhumi na gimwegyo a gu khisa kova wa Jabhoki.

Mavingu 19:5

Fakazi nya malipha gima kha yi na hamuga tsayiso, ni wule a ganelago malipha kha na vbuluga.

Mavingu 19:9

Fakazi nya malipha yi na mana tsayiso, ni uye a ganelago malipha kha na vbuluga.

Dhewuteronome 2:37

Vbavbandze basi ga litigo la sanana sa Amoni, kha mwa bela umo; ambari wubambe watshavbo nya gitsongwana gya Jabhoki, mwendro ga madhoropa ma guromo mayigoni nya sigomo, ambari ni wulanga nya gukari owu a hi himbedzedego Pfhumu Nungungulu wathu.

Dhewuteronome 3:16

Aholu va na Rubheni ni va na Gadhi, nyi va ningide gukhugela Gileyadhi kala kovani wa Arinoni, gu gira vbingano vbakari nya kova kala gitsongwanani gya Jabhoki, vbingano wa sanana sa Amoni,

Valamuli 11:12

Jefiti a di rumela myango ga mufumeli wa va na Amoni a mu wudzisa, khuye: “Ginani gi guromo ga eni ni uwe, gu kala u ta dhumela litigo lathu?”

Valamuli 11:14

Jefiti a di engedza gu rumela gambe myango ga mufumeli wa va na Amoni,