Valamuli 11:10 - Bhibhiliya Nya Guage

¹⁰ Vathangeli va Gileyadhi va di phindrula, khavo: “Pfhumu Nungungulu a na khala fakazi vbakari gwathu; hi na gira satshavbo u na ganelago.”

Valamuli 11:10 Iomraidhean Croise

Genesi 16:5

Sarayi a di embela Abrama, khuye: “Dzitshoni nyi thedwago khu kotani yago dzi na thegela uwe. Eni nyi gu ningide githumi gyangu gu khala mwangadzi wago, olu gi dzipwago na giri ni mimba gya gu nyi nyenya. Pfhumu Nungungulu a na hi lamule ethu ha vavili, uwe ni eni!”

Genesi 21:23

Olu nyi sambanyele avba khu Nungungulu gukhuwe gima khu na nga nyi pfhadza eni, sanana sangu, ambari ni valongo vangu, ni gukhuwe u na gola litigo leli u dzudego umo kha nga muwuyi, kha nga idzo eni nyi gu hakhidego nyi gu gola khidzo.”

Genesi 31:50

Wa gu tshanisa sanana sangu, mwendro gu dzega vambe vanyamayi gu diga nya avo, ambari a gu mwalo muthu ni ethu avba, alakanya gukhuwe Nungungulu i fakazi ga eni ni uwe.”

Genesi 31:53

Nungungulu wa Abrahama, Nungungulu wa Nahori, Nungungulu wa babe wawe a na khale mulamuli vbakari gwathu.” Jakobe a di sambanya khu Nungungulu a rungudzwago khu babe waye Isaki.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 42:5

Avo va di hakha Jeremiya, khavo: “Pfhumu Nungungulu, a na khale fakazi nya lisine ni gu tumbega mbeli gwathu, ha gumba landrisa esi Pfhumu Nungungulu wago, a na gu rumelago gu hi tivisa!

Mikeya 1:2

Upwani enu mayigo yatshavbo, tulani dzindzeve mu yingise, uwe litigo ni satshavbo si guromo umo, Mune Pfhumu Nungungulu, a na khale fakazi vbakari gwanu, Uye Pfhumu gukhugela khu nyumbani gwaye nya gukatege.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

2 Vakorinto 11:31

Nungungulu, Babe wa Pfhumu yathu Jesu Kristo, a na rungudzwe gikhati gyatshavbo, mu ngu dziti khenu kha nyi liphi.

Dhewuteronome 1:16

Khu gikhati gya gimwegyo, nyi leletede valamuli vanu, nyi va embela, kheni: Upwani mahungu ya vandriyanu, mu va lamula khu gululama vbakari ga muthu ni ndriyaye mwendro muluveli a vbanyago naye.

Valamuli 11:9

Jefiti a di va hakha, khuye: “Olu mwa gu nyi dzegani nyi bwelela gasi guya dwana ni va na Amoni, Pfhumu Nungungulu a gu va ningela mandzani gwangu, nyi na khala muthangeli wanu, gani?”

1 Samuweli 12:5

Uye a di va embela, khuye: “Pfhumu Nungungulu a na khale fakazi vbakari gwanu, gumogo ni ga a todzidwego waye khu mafura, uye muhuno i fakazi nya gukhuye, kha mwa mana nandru mandzani gwangu.” Vathu vatshavbo va di tiyisa, khavo: “Nungungulu a na khale fakazi.”

1 Samuweli 24:12

Pfhumu Nungungulu a na lamule eni ni uwe, a na nyi phodzele Pfhumu Nungungulu khu kotani yago, aholu eni kha nyi na nga khusa mandza yangu nyi gu kuha.