Valamuli 10:13 - Bhibhiliya Nya Guage

¹³ Aholu enu mu di nyi digani, mu ya khozela vambe vanungungulu; khu guralo, kha nyi na mi tshudzisani gambe.

Valamuli 10:13 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 12:5

Khavbo avbo, a dita muprofeti Simaya, ga mufumeli Robhowamo, ga manganagana ya Judha, ma nga bani ma tombanide Jerusalema khu kotani ya Sisaki, ava embela, khuye: “Pfhumu Nungungulu a ngu ganela, khuye: Enu mu nyi digide, khu kharato Eni neni nyi ngu mi ningelani mandzani ga Sisaki.”

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

2 Dzikoronika 21:10

Gukhugela litshigu lolo, va na Edhomi va di bomba gufumedwa khu mufumo wa Judha kala na muhuno; khu gikhati gya gimwegyo, Libina nuye a di bomba gufumwa khu babe waye Jeyoramo; kholu a nga diga Pfhumu Nungungulu, wa vababe vaye.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jona 2:8

Vale va khodwago khu sifananiso nyamba phasa gilo, va gu kanyisa wuhindzi wago.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”

Valamuli 2:12

Va di diga Pfhumu Nungungulu wa vababe vawe, Uye a nga va dusa khu tigoni ga Egipito, va landrela vambe vanungungulu va mayigo nya vaakelane, va khidzima mbeli gwawe; va ghohela Pfhumu Nungungulu.

Valamuli 2:19

Aholu gikhati afago mulamuli wule, avo va di bwelela gambe vaya gira guvivba guvbindra vavelegi vawe, va landrisela vambe vanungungulu, va noga mbeli gwawe, va va khozela; kha va nga hambana ni mithumo yawe nyambasi yadi, ni dzindzila dzawe nya guwegele.