Valamuli 1:4 - Bhibhiliya Nya Guage

⁴ Khu guralo, Judha a di gwela, Pfhumu Nungungulu a di ningela mandzani gwaye Vakhanani gumogo ni Vaperezi a di sasela likhumi magumi mazana (10.000) vama tigoni ga Bhezeki.

Valamuli 1:4 Iomraidhean Croise

1 Dzipfhumu 22:15

Avbo uye a nga vbohago, mufumeli a di mu wudzisa, khuye: “Mikeya, ina hi ngu yela guya dwanisa lidhoropa la Ramoti-Gileyadhi, mwendro kha si kodzegi, gani?” Muprofeti a di mu embela, khuye: “Gwela, kholu Pfhumu Nungungulu a na li ningela mandzani ga mufumeli.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

Dzindzimo 44:2

Uwe khu mandza yago u tutumiside mayigo u fela gu emisa vababe vathu; u tshaniside mahundzu, gasi gu dandrisa vababe vathu.

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Dhewuteronome 7:2

avbo Pfhumu Nungungulu wago, a na va ningelago mandzani gwago u va khozisa, u na va mbembisela muphelo. U nga giri navo pwanano, ambari gu va pwela gisiro.

Dhewuteronome 9:3

Muhuno olu, dziti gukhuwe Pfhumu Nungungulu wago, khuye a na thangago mbeli gwago; gufana ni nilo wu vbisago, a na va mbembisa ni gu va fuvisa mbeli gwago; khu guralo, uwe u na va bhobha, u va phalalegisa, u va fuvisa khu givbiredza, kha nga a gu embedego Pfhumu Nungungulu.

Valamuli 1:3

Khavbo avbo, Judha a di embela ndriyaye Simiyoni, khuye: “Delu, hongole hi gwele hatshavbo ga litigo nyi ningidwego, gasi hiya dwana ni Vakhanani, eni neni nyi na gwela nago ga litigo u ningidwego.” Khavbo avbo, Simiyoni a di hongola naye.

Valamuli 1:5

Tigoni ga Bhezeki, va di ya mana Adhoni-Bhezeki, va dwana naye va sasela Vakhanani gumogo ni Vaperezi.

Valamuli 11:32

Khu guralo, Jefiti a di ya dwana ni va na Amoni, Pfhumu Nungungulu a di va ningela mandzani gwaye.

Valamuli 3:5

Olu va na Israyeli va nga bani va vbanya vbakari ga Vakhanani, Vahiti, Vaamor, Vaperezi, Vahevhi ni Vajebhusi,

1 Samuweli 11:8

Sawule a diya va sayela dhoropani ga Bhezeki; sanana sa Israyeli, si diri tengo nya mazana mararu magumi mazana (300.000); va na Judha, va diri magumararu magumi mazana (30.000).

1 Samuweli 14:10

Aholu va gukhavo: Deluni eno gwathu; avbovbo hi na hongola, kholu gu yeyedza gupwani Pfhumu Nungungulu a va ningede mandzani gwathu. Egi gi na bani nari giyeyedzo gwathu.”

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”