Valamuli 1:19 - Bhibhiliya Nya Guage

¹⁹ Pfhumu Nungungulu a diri ni Judha, uye a di tutumisa vavbanyi va mugigomoni, aholu vavbanyi va panini, kha nga va tutumisa, kholu va diri ni dzikareta nya dzisimbi.

Valamuli 1:19 Iomraidhean Croise

Genesi 39:2

Pfhumu Nungungulu a diri ni Josefa, a di mu gira a katega ga mithumo yaye tatshavbo, a gu hakhwa gwadi nyumbani ga mune waye nya Mugipiti.

Genesi 39:21

Aholu Pfhumu Nungungulu a diri ni Josefa, a di mu gira a godwa, a mana wuhigo mahoni ga muthangeli nya lipaso.

2 Samuweli 5:10

Khu magirelo yaya, Dhavhidhe a di ya na gu engedzelana gudandra, kholu Pfhumu Nungungulu nya Tshivba Yatshavbo, a diri ni uye.

2 Dzipfhumu 18:7

Pfhumu Nungungulu a diri gumogo naye; a mu gira a dundruga satshavbo a nga girago; uye a di wugela mufumeli wa Asiriya, a si mu thumeli.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Dzindzimo 60:12

Nungungulu a na ema ni ethu hi pala, khuye a na gu gandredzelago valala vathu.

Muhevbudzi 9:11

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Josuwa 1:5

Matshigu yatshavbo nya guvbanye gwago mwalo a na tiyago gu ema mbeli gwago; kha nga idzo nyi giridego ga Mosi, nyi na gira gambe kharato avbo gwago; gima kha nyi na gu diga, ambari gu gu tshiya hwane.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Josuwa 14:12

Gasi olu nyi ninge litigo la musigomoni momu eli Pfhumu Nungungulu a li ganedego litshigu lile, kholu litshigu lile u pwide gupwani Vaanaki va nga gu khala mule ni madhoropa yawe nya makhongolo nya gubhiywe. A gu dzina saye Pfhumu Nungungulu a na ni eni, nyi na va tutumisa, kha nga a nyi tumbisidego.

Josuwa 6:27

Pfhumu Nungungulu a diri ni Josuwa, ndruma yaye yi di phalalega ni litigo latshavbo.

Josuwa 7:12

Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu.

Valamuli 1:2

Pfhumu Nungungulu a di hakha, khuye: “A na gwela Judha, kholu nyi ningede litigo leli mandzani gwaye.”

Valamuli 4:13

Sisera a di tombanisa dzikareta dzaye dzatshavbo nya sikete, nya livbandre na mana mazana (900), ni masotshwa yaye yatshavbo a nga bani nari nawo, gukhugela Haroseti-Hagoyimi, kala tsongoni wa Kisomi.

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.

1 Samuweli 18:12

Khavbo avbo, Sawule a di phela gu thava Dhavhidhe, kholu Pfhumu Nungungulu, a di mu digide, a ema ni Dhavhidhe.

1 Samuweli 18:14

Dhavhidhe a di dugelela ga satshavbo a nga bani na gu gira, kholu uye a diri ni Pfhumu Nungungulu.

1 Samuweli 18:5

Dhavhidhe a di gira satshavbo khu ndruda iso a nga bani na gu leletedwa khu Sawule; avbo Sawule a nga mu vega kha nga moyo nya vathangeli nya dzinyimbi dzaye. Uye a di nengedzisa vathu vatshavbo gumogo ni vathumegeli va Sawule.